India vs New Zealand: शुभमन गिलची बॅक टू बॅक सेंच्यूरी! कोहली-धवनचा रेकॉर्डही मोडला

न्यूझीलंडविरुद्धच्या पहिल्या वनडेत शुभमन गिलने शतक करताना मोठ्या विक्रमाला गवसणी घातली आहे.
Shubman Gill Scored 3rd ODI Century
Shubman Gill Scored 3rd ODI Century Dainik Gomantak

Shumbman Gill: भारत विरुद्ध न्यूझीलंड संघात बुधवारी वनडे मालिकेला सुरुवात झाली. या मालिकेतील पहिला वनडे सामना हैदराबादमध्ये झाला. या सामन्यादरम्यान भारतीय संघाचा सलामीवीर शुभमन गिलने शतकी खेळी केली आहे. त्याने हे शतक करताना मोठ्या विक्रमालाही गवसणी घातली आहे.

त्याने 87 चेंडूत त्याचे हे शतक पूर्ण केले. हे त्याचे सलग दुसरे तर एकूण वनडे क्रिकेटमधील तिसरे शतक ठरले आहे. त्याने केवळ 19 वनडे डावात तीन शतके केली आहेत. वनडेमध्ये 19 किंवा त्यापेक्षा डावांपेक्षा कमी डावात 3 शतके करणारा तो दुसराच भारतीय फलंदाज आहे. यापूर्वी शिखर धवनने 17 डावांमध्ये तीन वनडे शतके झळकावली होती.

Shubman Gill Scored 3rd ODI Century
India vs New Zealand: वनडेमध्ये कोणाचं वर्चस्व? एका क्लिकवर जाणून घ्या हेड-टू-हेड रेकॉर्ड्स

गिल एक हजारी

गिलने वनडेमध्ये 1000 धावाही पूर्ण केल्या आहेत. त्यामुळे तो वनडेत सर्वात जलद 1000 धावा करणारा जगातील दुसऱ्या क्रमांकाचा फलंदाज ठरला आहे.

त्याने या यादीत पाकिस्तानचा फलंदाज इमाम-उल-हकची बरोबरी केली आहे. इमामनेही 19 डावात 1000 वनडे धावा पूर्ण केल्या होत्या. या यादीत अव्वल क्रमांकावर फखर जमान आहे. त्याने 18 डावात 1000 वनडे धावा पूर्ण केल्या होत्या.

तसेच गिल सर्वात जलद 1000 वनडे धावा करणारा भारतीय फलंदाजही ठरला आहे. त्याने या यादीत विराट कोहली आणि शिखर धवन यांना मागे टाकले आहे. विराट आणि शिखर यांनी 24 डावात 1000 वनडे धावांचा टप्पा पार केला होता.

(Shubman Gill become Fastest Indian batter to score 1000 ODI runs)

Shubman Gill Scored 3rd ODI Century
India vs New Zealand: ईशान किशन 'या' जागेवर करणार बॅटिंग, कॅप्टन रोहितने स्पष्टच सांगितलं

शुभमन गिलची शतके

शुभमन गिलने यापूर्वी 22 ऑगस्ट 2022 रोजी झिम्बाब्वे विरुद्ध हरारेमध्ये झालेल्या वनडे सामन्यांत 130 धावांची खेळी केलेली. तसेच त्याने 15 जानेवारी रोजी तिरुअनंतपुरम येथे श्रीलंकेविरुद्धच्या वनडे सामन्यांत 116 धावांची खेळी केली होती.

रोहित-सुर्यकुमारबरोबर अर्धशतकी भागीदारी

गिलने तिसरे वनडे शतक करताना कर्णधार रोहित शर्माबरोबर सलामीला 60 धावांची आणि सूर्यकुमारबरोबर चौथ्या विकेटसाठी 65 धावांची भागीदारी केली. त्यामुळे भारताने 35 षटकांतच 200 धावांचा टप्पा पार केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com