I-League Football: 'चर्चिल ब्रदर्स'ला नमवत 'श्रीनिदी डेक्कन'ची विजयी सलामी

आय-लीग फुटबॉल सामन्यात श्रीनिदी डेक्कनचा 3-2 फरकाने विजय
Sreenidi Deccan
Sreenidi DeccanDainik Gomantak

पणजी: चर्चिल ब्रदर्सने तीन गोलने मागे पडल्यानंतर सामन्याच्या अखेरच्या टप्प्यात झुंजार प्रयत्न केले, पण त्यांना दोनच गोल नोंदवता आले. परिणामी आय-लीग फुटबॉल स्पर्धेत श्रीनिदी डेक्कन एफसीने विजयाचे पूर्ण तीन गुण प्राप्त केले.

(Sreenidi Deccan FC team defeated Churchill Brothers team in I-League football tournament)

बांबोळी येथील ॲथलेटिक स्टेडियमवर आज ( रविवारी ) झालेल्या लढतीत श्रीनिदी डेक्कनने 3-2 फरकाने बाजी मारली. त्यांचा या स्पर्धेतील पहिला विजय ठरला, त्यामुळे त्यांचे दोन लढतीनंतर तीन गुण झाले. चर्चिल ब्रदर्सला सलग दुसऱ्या पराभवाचा सामना करावा लागला. गतआठवड्यात त्यांना बांबोळी येथील राजस्थान युनायटेडने नमविले होते.

Sreenidi Deccan
FIFA World Cup 2022: फिफा वर्ल्डकपमध्ये खेळाडुंना एका सामन्यासाठी किती मोबदला मिळतो?

श्रीनिदी डेक्कनला 25 व्या मिनिटास आघाडी मिळाली. सोंगपू सिंगसिट याचा फटका चर्चिल ब्रदर्सचा बचावपटू राजू गायकवाड याला चाटून गोलनेटमध्ये गेला. 40 व्या मिनिटास नायजेरियन लुईस ओगाना याने केलेल्या गोलमुळे पाहुणा संघ विश्रांतीला 2-0 असा आघाडीवर होता. नंतर 67 व्या मिनिटास कोलंबियन डेव्हिड मुनोझ याच्या गोलमुळे श्रीनिदी डेक्कनच्या खाती 3-0 अशी भक्कम आघाडी जमा झाली. त्यानंतर चर्चिल ब्रदर्सने आक्रमण तेज केले.

Sreenidi Deccan
Goa U25's Cricket: 'मनीष'ची एकाकी झुंज व्यर्थ; चुरशीच्या सामन्यात झारखंडची सरशी

69 व्या मिनिटास रिचर्ड कॉस्ता याने माजी विजेत्यांची पिछाडी एका गोलने कमी केली. 75 व्या मिनिटास बदली खेळाडू लालखॉपुईमाविया याच्या गोलमुळे चर्चिल ब्रदर्सची पिछाडी 2-3 अशी कमी झाली, त्यामुळे त्यांना बरोबरीची संधी दिसू लागली, मात्र पाहुण्या संघाने आघाडी अबाधित राखण्यास यश मिळविले.

पंजाब एफसी विजयी

पंचकुला येथे झालेल्या स्पर्धेतील अन्य एका सामन्यात पंजाब एफसीने मोहम्मेडन स्पोर्टिंगला 1-0 फरकाने हरविले. लुका मासेन याने तिसऱ्याच मिनिटास केलेल्या गोलमुळे पंजाबने स्पर्धेतील सलग दुसरा सामना जिंकला. मोहम्मेडन स्पोर्टिंगला सलग दुसरा पराभव पत्करावा लागला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com