Asia cup 2022 जिंकणाऱ्या श्रीलंकेवर करोडों रूपयांची बरसात

पाकिस्तान संघालाही मिळाले मोठे बक्षिस
Asia cup 2022 जिंकणाऱ्या श्रीलंकेवर करोडों रूपयांची बरसात

राजकीय आणि आर्थिक अस्थिरतेचा सामना करणाऱ्या श्रीलंकेत आशिया चषक (Asia cup 2022) विजयाने देशात आनंदाचे वातावरण निर्माण झाले आहे. श्रीलंका (Srilanka) संघाने रविवारी पाकिस्तानचा 23 धावांनी पराभव करत सहाव्यांदा आशिया चषक जिंकला. श्रीलंकेचा विजय केवळ श्रीलंकन ​​क्रिकेटसाठीच नाही तर ऐतिहासिक आणि राजकीयदृष्ट्याही खूप महत्त्वाचा मानला जात आहे.

आशिया चषकाचा अंतिम सामना अतिशय रोमांचक झाला. श्रीलंका एका टप्प्यावर 58 धावांत पाच गडी गमावल्यानंतर भानुका राजपक्षेच्या 45 चेंडूंत नाबाद 71 धावांच्या जोरावर श्रीलंकेने सहा बाद 170 धावा केल्या. प्रत्युत्तरात पाकिस्तानचा संघ 147 धावांवर आटोपला. पाकिस्तानचे खेळाडू संघाला विजय मिळवून देण्यात अपयशी ठरले.

Asia cup 2022 जिंकणाऱ्या श्रीलंकेवर करोडों रूपयांची बरसात
Goa Accident Case| अटल सेतू पुलावर अपघातांची मालिका सुरुच!

आशिया चषकाचे जेतेपद पटकावल्याने राजकीय आणि आर्थिक अस्थिरतेशी झुंजणाऱ्या श्रीलंकेसाठी दिलासा मिळाला आहे. खरे तर आशिया चषक विजेतेपदासाठी श्रीलंकेच्या संघाला सुमारे 1.20 कोटी रुपये देण्यात आले आहेत. तसेच, पराभूत पाकिस्तान संघाला बक्षीस म्हणून सुमारे 60 लाख रुपये मिळाले आहेत.

आशिया चषकात अप्रतिम कामगिरी करणाऱ्या खेळाडूंवरही पैशांचा पाऊस पडला आहे. प्लेअर ऑफ द टूर्नामेंटचे किताब वानिंदू हसरंगाला मिळाला असून, त्याला सुमारे 11.94 लाख रुपये देण्यात आलेत. याशिवाय अंतिम फेरीतील खेळाडूचा किताब भानुका राजपक्षे याला मिळाला आहे, त्यांना 4 लाख रुपये बक्षीस म्हणून मिळाले आहेत.

Asia cup 2022 जिंकणाऱ्या श्रीलंकेवर करोडों रूपयांची बरसात
36 वर्षांपासून लॉकरमध्ये बंद आहे Queen Elizabeth यांचे रहस्यमय पत्र

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com