International Cricket: आंतरराष्ट्रीय क्रिकेटमधून निवृत्ती घेतलेल्या सुरेश रैनाने आता देशांतर्गत क्रिकेट आणि आयपीएललाही अलविदा केला आहे. रैनाने ट्विट करुन ही माहिती दिली आहे. म्हणजेच रैना आता आयपीएल खेळताना दिसणार नाही. रैनाने आपल्या ट्विटमध्ये चाहत्यांचे नेहमीच समर्थन केल्याबद्दल आभार मानले आहेत.
दरम्यान, रैनाने ट्विट करत लिहिले की, 'आपल्या देशाचे आणि यूपी राज्याचे प्रतिनिधित्व करणे हा अत्यंत सन्मान आहे. मला क्रिकेटच्या सर्व फॉरमॅटमधून निवृत्ती जाहीर करायची आहे. मला @BCCI, @UPCACricket, @ChennaiIPL, @शुक्ला राजीव सर आणि माझ्या सर्व चाहत्यांचे त्यांच्या पाठिंब्याबद्दल आणि माझ्या क्षमतेवर असलेल्या अतूट विश्वासाबद्दल आभार मानायचे आहेत.'
दुसरीकडे, 15 ऑगस्ट 2020 रोजी धोनीसह आंतरराष्ट्रीय क्रिकेटमधून निवृत्ती घेतलेल्या रैनाने आता देशांतर्गत क्रिकेटपासूनही वेगळे होण्याचा निर्णय घेतला आहे. रैना देश-विदेशात क्रिकेट लीग खेळत असला तरी यंदा रैना वर्ल्ड रोड सेफ्टी सीरिजमध्येही खेळणार आहे.
तसेच, आपल्या आयपीएल कारकिर्दीत रैनाने 205 सामने खेळले आणि यादरम्यान त्याने 5528 धावा काढल्या. रैना आयपीएलमध्ये (IPL) सीएसकेकडून खेळायचा. परंतु यावेळी त्याला CSK ने लिलावात खरेदी केले नाही. आता रैना रोड वर्ल्ड सेफ्टी सीरीज व्यतिरिक्त जगातील दुसऱ्या क्रिकेट लीगमध्ये भाग घेताना दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
