Suryakumar Yadav: भारताच्या 'मिस्टर 360'ला 'बेबी एबी'कडून शिकायचाय 'तो' स्पेशल शॉट, पाहा व्हिडिओ

सूर्यकुमारने डेवाल्ड ब्रेविसकडून त्याचा एक खास शॉट शिकायचा आहे.
Suryakumar Yadav wants to learn 'no-look' shot from Dewald Brevis
Suryakumar Yadav wants to learn 'no-look' shot from Dewald BrevisDainik Gomantak

Suryakumar Yadav: सूर्यकुमार यादव सध्या त्याच्या चौफेर फटकेबाजीमुळे चर्चेत येत आहे. त्याला आता भारताचा 'मिस्टर 360' म्हणूनही ओळखले जाते. पण असे असले तरी त्याला दक्षिण आफ्रिकेचा युवा फलंदाज डेवाल्ड ब्रेविसकडून एक शॉट शिकायचा आहे. मुंबई इंडियन्सने नुकताच एक व्हिडिओ शेअर केला आहे, ज्यामध्ये याबद्दल खुलासा झाला आहे.

सूर्यकुमार आणि ब्रेविस हे दोघेही आयपीएल 2022 हंगामात एकत्र खेळले होते. आता आगामी आयपीएल हंगामातही ते एकत्र खेळणार आहेत. या हंगामादरम्यान सूर्यकुमारला ब्रेविसकडून त्याचा नो-लूक शॉट शिकायचा आहे.

(Suryakumar Yadav wants to learn 'no-look' shot from Dewald Brevis)

Suryakumar Yadav wants to learn 'no-look' shot from Dewald Brevis
Suryakumar Yadav: 'SKY' ने केले 3 विश्वविक्रम, असे करणारा ठरला जगातील पहिला फलंदाज

मुंबई इंडियन्सने शेअर केलेल्या व्हिडिओमध्ये ब्रेविसशी बोलताना सूर्यकुमार म्हणाला, 'मी कधीकधी तुला फक्त कॉपी करण्याचा प्रयत्न करतो. तो ज्याप्रकारे फलंदाजी करतो, तू मला एक गोष्ट शिकव. तू तो नो-लूक शॉट, नो-लूक सिक्स कसा खेळतो? मला ते तुझ्याकडून शिकायचे आहे.'

यावर बेबी एबी म्हणून ओळखल्या जाणाऱ्या ब्रेविसने उत्तर दिले की 'हा माझ्यासाठी सन्मान असेल. पण मलाही तुझ्याकडून खूप शॉट्स शिकायला आवडतील. गमतीची गोष्ट म्हणजे माझा नो-लूक शॉट आपोआप खेळला जातो. हे विचित्र आणि पण मला माहित नाही, हे कसं होतं.'

Suryakumar Yadav wants to learn 'no-look' shot from Dewald Brevis
India vs Sri Lanka: 'कॅप्टन' पंड्याने चालू ठेवली परंपरा! मालिका विजयानंतरच्या कृतीने जिंकली मनं

ब्रेविसने काही दिवसांपूर्वीच सीएसए टी20 चॅलेंज स्पर्धेतील एका सामन्यात 57 चेंडूत 162 धावांची खेळी केली होती. या खेळीबद्दलही सूर्यकुमारने त्याचे कौतुक केले आहे.

सूर्यकुमार म्हणाला, 'मी तुला अखेरच्या वेळी पाहिले, तेव्हा तू एका टी20 सामन्यांत काहीतरी 50-55 चेंडूत 160-165 धावा केल्या होत्या. त्यामुळे आता वनडेत जर तुला 100 चेंडू खेळायला मिळाले, तर तू त्रिशतक करू शकतो.'

यावर ब्रेविस म्हणाला, 'तो माझ्यासाठी नेहमीसारखाच साधारण दिवस होता. ती खेळी तशीच झाली. मला ती खेळी करताना कळालंही नाही की त्यावेळी मी काय करत होतो. त्यावेळी सर्वकाही आपोआप होत गेले. एकीकडे मी नॉ-स्ट्रायकरच्या फलंदाजाला हेही सांगत होतो, की मी वाटते की प्रत्येक चेंडूवर षटकार मारू शकतो.'

'मला माहित नाही, पण ती खेळी आपोआप झाली. ती खेळी खूप खास होती. पण मला हे तुला सांगावच लागेल की तू जे मिळवलं आहेस, ते खूप शानदार आहे. तू आंतरराष्ट्रीय टी20 क्रिकेटमधील अव्वल क्रमांकाचा फलंदाज झालास, त्याबद्दल अभिनंदन.'

सूर्यकुमार सध्या आयसीसी आंतरराष्ट्रीय टी20 क्रिकेट क्रमवारीत फलंदाजांच्या यादीत अव्वल क्रमांकावर आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com