T20 World Cup 2021: कॅप्टन कूल होणार का टीम इंडियाचा प्रशिक्षक?

एमएस धोनीला (Mahendra Singh Dhoni) टीम इंडियाचे (Team India) मार्गदर्शक बनवण्यात आल्याने, प्रश्न उपस्थित केले जात आहेत की, धोनी भारतीय संघाचा पुढील प्रशिक्षक (coach)असेल का?
T20 World Cup 2021: कॅप्टन कूल होणार का टीम इंडियाचा प्रशिक्षक?
धोनीची (Dhoni) मेंटॉर म्हणून नियुक्ती झाल्यानंतर तो लवकरच प्रशिक्षक होण्याची शक्यता असल्याची चर्चा सुरू झाली.Dainik Gomantak

T20 World Cup 2021 साठी भारतीय संघाची (Indian Team) बुधवारी (8 ऑगस्ट) घोषणा करण्यात आली. 15 सदस्यीय संघाचे नेतृत्व विराट कोहली (Virat Kohli) करणार असून, रोहित शर्मा (Rohit Sharma) संघाचा उपकर्णधार असेल. टीम इंडियासोबत मार्गदर्शक म्हणून महेंद्रसिंग धोनीच्या (Mahendra Singh Dhoni) नावाची घोषणा करण्यात आली. तो यूएईमध्ये टीम इंडियासोबत असेल. धोनीची मेंटॉर म्हणून नियुक्ती झाल्यानंतर तो लवकरच प्रशिक्षक होण्याची शक्यता असल्याची चर्चा सुरू झाली.

 धोनीची (Dhoni) मेंटॉर म्हणून नियुक्ती झाल्यानंतर तो लवकरच प्रशिक्षक होण्याची शक्यता असल्याची चर्चा सुरू झाली.
T-20 World Cup 2021: साठी टीम इंडियाची उद्या होणार घोषणा

मेंटॉर म्हणून धोनीचा नक्की रोल काय असेल ?

एमएस धोनीच्या (MSD) नेतृत्वाखाली भारताने टी -20 विश्वचषकाची पहिली आवृत्ती जिंकली. एमएस धोनी भारताच्या सर्वात यशस्वी कर्णधारांपैकी एक आहे. त्याने त्याच्या नेतृत्वाखाली टी -20 विश्वचषक, एकदिवसीय विश्वचषक 2011 आणि चॅम्पियन्स ट्रॉफीमध्ये संघाला विजय मिळवून दिले आहेत. 15 ऑगस्ट 2020 रोजी आंतरराष्ट्रीय क्रिकेटमधून निवृत्त झालेला एमएस धोनी आता टीम इंडियामध्ये मार्गदर्शक म्हणून काम करणार आहे. एक मार्गदर्शक म्हणून, तो भारतीय संघाला त्याच्या अनुभवाचा नक्कीच फायदा होईल. भारतीय संघाने टी-20 विश्वचषकात चांगली कामगिरी करण्यासाठी तो संघासोबत असेल, आणि संघाला मार्गदर्शन करेल. तसेच त्याच्या अनुभवाचा युवा क्रिकेटपटूंना फायदा होणार आहे.

MSD भारतीय संघाचा पुढील प्रशिक्षक असेल का?

आता मार्गदर्शक म्हणून नियुक्ती झाल्यानंतर, रवी शास्त्री यांच्यानंतर एमएस धोनी टीम इंडियाच्या मुख्य प्रशिक्षकपदाची सूत्रे हाती घेतील का, असा प्रश्न उपस्थित होत आहे. वास्तविक रवी शास्त्री टी -20 विश्वचषकानंतर पद सोडू शकतात. त्याच वेळी, राहुल द्रविडने एनसीए (नॅशनल क्रिकेट अकॅडमी) च्या प्रमुख पदासाठी अर्ज केला तेव्हा त्याचे नाव प्रशिक्षक पदाच्या चर्चेतून दूर झाले. आता एमएस धोनीला टीम इंडियाचे मार्गदर्शक बनवण्यात आल्याने, प्रश्न उपस्थित केले जात आहेत की, धोनी भारतीय संघाचा पुढील प्रशिक्षक असेल का?

मात्र, सध्या धोनी प्रशिक्षक होण्याबाबत काहीही सांगता येणार नाही. धोनी सध्या आयपीएलमध्ये खेळत आहे. आयपीएल संपल्यानंतर 2 दिवसांनी टी -20 विश्वचषक सुरू होईल, त्यामुळे त्याने यूएईमध्ये संघासोबत राहावे अशी मंडळाची इच्छा आहे. पण प्रशिक्षक म्हणून तो शास्त्रींची जागा घेईल का, हे आताच सांगणे कठीण आहे.

Related Stories

No stories found.
Dainik Gomantak
www.dainikgomantak.com