ICC T20 World Cup: न्यूझीलंड की ऑस्ट्रेलिया कोण होणार विजेता, पहा दिग्गजांची मते

दुबईत आज (14 नोव्हेंबर) सायंकाळी 7:30 वाजता होणाऱ्या (AUS vs NZ) या फायनल सामन्याबाबत क्रिकेटच्या अनेक दिग्गज खेळाडूंनी भविष्यवाणी करताना त्यांचा आवडता संघ निवडला आहे.
ICC T20 World Cup: न्यूझीलंड की ऑस्ट्रेलिया कोण होणार विजेता, पहा दिग्गजांची मते
T20 विश्वचषकातील (T20 World Cup) अंतिम सामना आज रंगणार आहे.@ICC/ Twitter

T20 विश्वचषकातील (T20 World Cup) अंतिम सामना आज रंगणार आहे. ऑस्ट्रेलिया (Australia) आणि न्यूझीलंड (New Zealand) यांच्यात हा सामना होणार आहे. या दोन पैकी एका संघाचे T20 विश्वचषक विजेतेपदाचे स्वप्न आज साकार होणार आहे. ऑस्ट्रेलियाने ब गटातील सर्वात बलाढ्य संघ पाकिस्तानचा पराभव करून अंतिम फेरी गाठली, तर न्यूझीलंडने इंग्लंडचा पराभव करत अंतिम फेरी धडक मारली आहे. दुबईत आज (14 नोव्हेंबर) सायंकाळी 7:30 वाजता होणाऱ्या (AUS विरुद्ध NZ) या फायनल सामन्याबाबत क्रिकेटच्या अनेक दिग्गज खेळाडूंनी भविष्यवाणी करताना त्यांचा आवडता संघ निवडला आहे.

T20 विश्वचषकातील (T20 World Cup) अंतिम सामना आज रंगणार आहे.
T20 World Cup 2021 मधून पाकिस्तान बाहेर, ऑस्ट्रेलिया फायनलमध्ये !

न्यूझीलंड आणि ऑस्ट्रेलिया यांच्यात आतापर्यंत 14 सामने खेळले गेले आहेत. ज्यामध्ये कांगारू वरचष्मा राहिला आहे. यापैकी ऑस्ट्रेलियाने सर्वाधिक 9 सामने जिंकले, तर न्यूझीलंडला केवळ 5 सामन्यात विजय मिळविता आला आहे.

सौरव गांगुलीने एका पुस्तक स्वाक्षरी समारंभात ऑस्ट्रेलिया आणि न्यूझीलंड या दोन्ही संघांना चांगले संघ म्हणून वर्णन करत, न्यूझीलंडला मजबूत फेव्हरेट म्हणले आहे. ते म्हणाला, न्यूझीलंडने नुकतेच जागतिक कसोटी चॅम्पियनशिपचे विजेतेपद पटकावले आहे.

वसीम अक्रमने ऑस्ट्रेलिया क्रिकेट संघाला T20 विश्वचषकाचे दावेदार म्हटले आहे. ते म्हणाले, पाकिस्तान संघाचा पराभव करून ऑस्ट्रेलिया अंतिम फेरीत पोहोचला आहे. माझ्या ऑस्ट्रेलियाच विश्वचषक जिंकेल.

T20 विश्वचषकातील (T20 World Cup) अंतिम सामना आज रंगणार आहे.
T20 World Cup 2021: 'या' 5 चुकांमुळे टीम इंडियाचे आव्हान संपुष्टात

इंग्लंडचा माजी कर्णधार केविन पीटरसनने बेटवेसाठी आपल्या ब्लॉगमध्ये लिहिले आहे की, इतिहास साक्षी आहे, जेव्हा हे दोन संघ महत्त्वाच्या स्पर्धेत ज्या वेळी अंतिम फेरीत खेळले तेव्हा ऑस्ट्रेलियाचाच वरचष्मा राहिला आहे. यावेळी पीटरसनने 2015 च्या एकदिवसीय विश्वचषक फायनलची आठवण करून दिली. आणि म्हणले, “रविवारी जेव्हा ऑस्ट्रेलिया विजेतेपद पटकावले तेव्हा मला अजिबात आश्चर्य वाटणार नाही.

ऑस्ट्रेलियाचे कौतुक करताना पीटरसनने लिहिले की, "ऑस्ट्रेलियाचा संघ ‘डू ऑर डाय’ सामन्यात अधिक चांगले करतो. तो या मोठ्या स्पर्धेच्या अंतिम फेरीत पोहोचला असेल, तर तो आता अतिरिक्त प्रयत्न करेल.

आपल्या सोशल मीडियावर व्हिडिओ शेअर करताना ब्रायन लारा म्हणाला, दोन्ही संघ खूप चांगले आहेत. म्हणूनच ते अंतिम फेरीत पोहोचले आहेत. दोघेही पहिली ट्रॉफी जिंकण्याच्या इराद्याने मैदानात उतरतील. केन विल्यमसनच्या नेतृत्वाखाली न्यूझीलंड संघाने चांगली कामगिरी केली आहे. माझा अंदाज आहे की, न्यूझीलंड आज विश्वचषक फायनल जिंकेल.

Related Stories

No stories found.
Dainik Gomantak | दैनिक गोमन्तक
www.dainikgomantak.com