IND vs NZ: टीम इंडियाला मोठा झटका! वनडे मालिकेतून घातक खेळाडू आऊट, 'या' खेळाडूला संधी

न्यूझीलंडविरुद्धच्या वनडे मालिकेला सुरुवात होण्याच्या एकदिवस आधी टीम इंडियातून प्रमुख खेळाडू बाहेर पडला आहे.
Team India
Team IndiaDainik Gomantak

India vs New Zealand, ODI Series: भारत विरुद्ध न्यूझीलंड संघात बुधवारपासून वनडे मालिका सुरू होणार आहे. या मालिकेला सुरुवात होण्याच्या एक दिवसआधी भारतीय संघाला मोठा धक्का बसला आहे.

भारताचा मधल्या फळीतील फलंदाज श्रेयस अय्यर या मालिकेतून बाहेर पडला आहे. याबद्दल मंगळवारी बीसीसीआयने माहिती दिली आहे. बीसीसीआयने दिलेल्या माहितीनुसार श्रेयस अय्यरला पाठीच्या दुखापतीचा त्रास होत आहे. त्यामुळे तो या मालिकेला मुकणार आहे.

श्रेयस अय्यरच्या जागेवर निवड समीतीने मध्य प्रदेशचा 29 वर्षीय फलंदाज रजत पाटीदारला भारतीय संघात संधी दिली आहे. रजत पाटीदार सध्या दमदार फॉर्ममध्ये आहे. त्याने गेल्या 10 डावात 7 वेळा 50 धावांचा टप्पा पार केला आहे. यात त्याच्या एका शतकाचाही समावेश आहे.

Team India
Team India: टीम इंडियाचा 'हा' धाकड निवृत्तीनंतर मैदानात परतला, भारतासाठी विश्वचषक...!

दरम्यान श्रेयस अय्यर आता त्याच्या दुखापतीवर काम करण्यासाठी बंगळुरूमधील राष्ट्रीय क्रिकेट अकादमीमध्ये जाईल. तो न्यूझीलंडविरुद्ध वनडेनंतर होणाऱ्या टी20 मालिकेचाही भाग नाही.

त्यामुळे आता श्रेयस थेट ऑस्ट्रेलियाविरुद्ध फेब्रुवारीमध्ये सुरू होणाऱ्या कसोटी मालिकेत खेळताना दिसू शकतो. कसोटी मालिकेतील पहिल्या दोन सामन्यांसाठी निवड झालेल्या भारतीय संघाचा तो भाग आहे. पण आता त्याची उपलब्धता त्याच्या तंदुरुस्तीवरही अवलंबून असेल.

Team India
Shreyas Iyer: मुंबईचा छोकरा बनला लगानमधील 'भूवन', या मिस्ट्री गर्लबरोबर केला डान्स; Video Viral

श्रेयस अय्यर भारताच्या वनडे संघातील प्रमुख खेळाडूंपैकी एक आहे. त्याने गेल्यावर्षी भारताकडून सर्वाधिक धावा देखील केल्या होत्या. त्याने 2022 वर्षात वनडेमध्ये 17 सामन्यांत 55.69 च्या सरासरीने 724 धावा केल्या होत्या. यामध्ये त्याच्या एका शतकाचा आणि ६ अर्धशतकांचा समावेश आहे.

तसेच तो गेल्यावर्षी आंतरराष्ट्रीय क्रिकेटमध्येच भारताकडून सर्वाधिक धावा करणारा फलंदाज होता. त्याने 2022 वर्षात 39 आंतरराष्ट्रीय सामन्यांत 1609 धावा केल्या होत्या.

दरम्यान, भारत आणि न्यूझीलंड संघात होणाऱ्या आगामी वनडे मालिकेतील पहिला सामना बुधवारी हैदराबादला होणार आहे. त्यानंतर 21 जानेवारी रोजी दुसरा वनडे सामना रायपूरला आणि तिसरा वनडे सामना इंदोरला 24 जानेवारी रोजी होणार आहे.

न्यूझीलंडविरुद्धच्या वनडे मालिकेसाठी भारतीय संघ - रोहित शर्मा (कर्णधार), शुभमन गिल, ईशान किशन (यष्टीरक्षक), विराट कोहली, सूर्यकुमार यादव, केएस भारत (यष्टीरक्षक), हार्दिक पंड्या (उपकर्णधार), रजत पाटीदार, वॉशिंग्टन सुंदर, शाहबाज अहमद, शार्दुल ठाकूर, युजवेंद्र चहल, कुलदीप यादव, मोहम्मद शमी, मोहम्मद सिराज, उमरान मलिक

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com