ICC Test Ranking: टीम इंडिया कसोटीत पुन्हा नंबर वन! कांगारूंना मोठा धक्का

भारतीय क्रिकेट संघ कसोटी क्रमवारीत अव्वल क्रमांकावर आला आहे.
India Test Team
India Test Team Dainik Gomantak

ICC Test Ranking: आंतरराष्ट्रीय क्रिकेट असोसिएशनने मंगळवारी ताजी कसोटी क्रमवारी जाहीर केली आहे. ताज्या क्रमवारीत भारतीय संघाला फायदा झाला आहे. या क्रमवारीनुसार भारतीय संघ पुन्हा एकदा अव्वल क्रमांकावर विराजमान झाला आहे.

भारताने या क्रमवारीत अव्वल क्रमांक पटकावताना ऑस्ट्रेलियाला मागे टाकले आहे. ताज्या आयसीसी क्रमवारीनुसार भारतीय संघ कसोटी क्रमवारीत 115 रेटिंग पाँइंटसह अव्वल क्रमांकावर आला आहे, तर पॅट कमिन्स कर्णधार असलेला ऑस्ट्रेलिया संघ 111 रेटिंग पाँइंट्ससह दुसऱ्या क्रमांकावर घसरला आहे.

India Test Team
ICC Test Rankings मध्ये अश्विन-अय्यरची गगनभरारी, बांगलादेश मालिकेचा झाला फायदा

भारताने अखेरची कसोटी मालिका डिसेंबर 2022 मध्ये बांगलादेश विरुद्ध खेळली होती. यात भारताने 2-0 असा विजय मिळवला होता. तसेच ऑस्ट्रेलियाने नुकतीच दक्षिण आफ्रिकेविरुद्ध तीन सामन्यांची कसोटी मालिका खेळली होती. या मालिकेतील पहिले दोन सामने ऑस्ट्रेलियाने जिंकले होते, पण तिसरा सामना अनिर्णित राहिला.

दरम्यान, आयसीसीच्या ताज्या क्रमवारीनुसार ऑस्ट्रेलियाचे 5 रेटिंह पाँइंट्स कमी झाले आहेत. याआधी ते 116 रेटिंग पाँइंट्ससह ते पहिल्या क्रमांकावर होते. पण, त्यांचे रेंटिंग पाँइंट्स कमी झाल्याने भारताच्या खाली आले आहेत. भारतीय संघाचे 115 रेटिंग पाँइंट्स कायम आहेत, पण ऑस्ट्रेलियापेक्षा ते जास्त असल्याने भारताला अव्वल क्रमांक मिळाला.

India Test Team
ICC T20 Rankings: ICC T20 क्रमवारीत भारतीय खेळाडूंची चलती, ईशान किशनची धाकड कामगिरी

भारतीय संघ याआधी 2016 ते 2021 अशा सलग 6 वर्ष अव्वल क्रमांकावर होता. त्यानंतर भारताच्या क्रमवारीत चढ-उतार पाहायला मिळाले. पण, तरी भारतीय संघाची कसोटीतील कामगिरी चांगली राहिली आहे.

विशेष गोष्ट अशी की भारतीय संघ आयसीसीच्या क्रमवारीत टी20 प्रकारातही क्रमांक एकवर विराजमान आहे. तसेच वनडेमध्ये भारतीय संघ चौथ्या क्रमांकावर आहे.

दरम्यान, आता भारत आणि ऑस्ट्रेलिया संघात फेब्रुवारीपासून चार सामन्यांची कसोटी मालिका सुरू होणार आहे. या मालिकेदरम्यान आता क्रमवारीतही अव्वल क्रमांक मिळवण्यासाठी या दोन संघात चढाओढ दिसू शकते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com