IND vs SL: तिसऱ्या वनडेत 'रोहितसेने'ची मोठ्या वर्ल्ड रेकॉर्डवर नजर, ऑस्ट्रेलियाला टाकू शकतात मागे

तिसऱ्या वनडेत भारतीय संघाला ऑस्ट्रेलियाला मागे टाकत वर्ल्ड रेकॉर्ड करण्याची संधी आहे.
Team India
Team IndiaDainik Gomantak

India vs Sri Lanka, 3rd ODI: भारत विरुद्ध श्रीलंका क्रिकेट संघांमध्ये सध्या वनडे मालिका सुरू आहे. या वनडे मालिकेतील तिसरा आणि अखेरचा सामना तिरुअनंतपुरममधील ग्रीनफिल्ड आंतरराष्ट्रीय स्टेडियमवर दुपारी 1.30 वाजता चालू होणार आहेत. या सामन्यादरम्यान भारतीय संघ एका मोठ्या विश्वविक्रमाला गवसणी घालू शकतो.

भारतीय संघाने जर तिसरा वनडे सामना जिंकला, तर त्यांचा श्रीलंका क्रिकेट संघाविरुद्ध वनडे क्रिकेट प्रकारातील 165 सामन्यांतील 96 वा विजय असेल. त्यामुळे वनडेमध्ये एकाच प्रतिस्पर्ध्याविरुद्ध सर्वाधिक विजय मिळवण्याच्या यादीत भारतीय संघ ऑस्ट्रेलियाला मागे टाकून अव्वल क्रमांकावर येईल.

Team India
India vs Sri Lanka: हार्दिकने गमावला संयम, टीममेट्सविरुद्धच वापरले अपशब्द; Video व्हायरल

सध्या वनडेत एकाच प्रतिस्पर्धी संघाविरुद्ध सर्वाधिक विजय मिळवणाऱ्या संघांच्या यादीत भारतीय संघ ऑस्ट्रेलियासह संयुक्तरित्या अव्वल क्रमांकावर आहे. भारताने श्रीलंकेविरुद्ध 95 वनडे सामन्यात विजय मिळवले आहेत, तर ऑस्ट्रेलियाने न्यूझीलंडविरुद्ध 95 वनडे विजय मिळवले आहेत.

या यादीत भारत आणि ऑस्ट्रेलियापाठोपाठ पाकिस्तान क्रिकेट संघ आहे. पाकिस्तानने श्रीलंकेविरुद्धच 92 वनडे सामन्यांत विजय मिळवले आहेत.

वनडेत एकाच प्रतिस्पर्धीविरुद्ध सर्वाधिक विजय मिळवणारे संघ (14 जानेवारी 2023 पर्यंत आकडेवारी)

95 विजय - भारत विरुद्ध श्रीलंका

95 विजय - ऑस्ट्रेलिया विरुद्ध न्यूझीलंड

92 विजय - पाकिस्तान विरुद्ध श्रीलंका

87 विजय - ऑस्ट्रेलिया विरुद्ध इंग्लंड

80 विजय - ऑस्ट्रेलिया विरुद्ध भारत

Team India
India vs Sri Lanka: तिसऱ्या वनडेत बेंच स्ट्रेंथ आजमवणार टीम इंडिया? अशी असेल Playing XI

भारताला निर्भेळ यश मिळवण्याची संधी

भारतीय संघाने श्रीलंकेविरुद्धच्या पहिल्या दोन्ही सामन्यांत विजय मिळवला आहे. पहिला सामना भारताने 67 धावांनी जिंकला होता. तसेच दुसरा सामना 4 विकेट्सने भारताने जिंकला होता. त्यामुळे भारतीय संघ या मालिकेत 2-0 अशा फरकाने आघाडीवर आहे.

अशात भारतीय संघाला तिसरा सामना जिंकून निर्भेळ यश मिळवण्याची संधी आहे. तसेच श्रीलंका संघासमोर तिसरा सामना जिंकून प्रतिष्ठा राखण्याचे आव्हान असणार आहे. हा सामना श्रीलंकेचा भारत दौऱ्यातील अखेरचा सामना आहे.

या मालिकेनंतर भारतीय क्रिकेट संघाला न्यूझीलंडविरुद्ध वनडे आणि टी20 मालिका खेळायची आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com