न्यूझीलंड विरुध्दच्या मालिकेत टीम इंडियाला मिळणार नवीन प्रशिक्षक
बीसीसीआय (BCCI) भारतीय संघासाठी प्रशिक्षकाच्याही (coach) शोधात आहे. Dainik Gomantak

न्यूझीलंड विरुध्दच्या मालिकेत टीम इंडियाला मिळणार नवीन प्रशिक्षक

बीसीसीआय (BCCI) या आठवड्याच्या अखेरीस नवीन प्रशिक्षक (coach) आणि त्यांच्या सहाय्यक कर्मचाऱ्यांच्या पदासाठी जाहिरात प्रसिद्ध करण्यास तयार आहे.

बीसीसीआयसाठी (BCCI) ऑक्टोबर महिना खूप व्यस्त असल्याचे दिसत आहे. भारतीय क्रिकेट नियामक मंडळ या महिन्यात दोन नवीन आयपीएल (IPL) संघांना अंतिम रूप देण्याच्या प्रक्रियेत आहे. आयपीएलसाठी नवीन मीडिया अधिकार निविदा जारी करण्याची तयारी सुरू करण्यात आली आहे. यात सर्वात मोठी गोष्ट म्हणजे बीसीसीआय 17 ऑक्टोबरपासून सुरू होणाऱ्या टी -20 विश्वचषकाचे (T20 World Cup) आयोजन देखील करत आहे. त्याचबरोबर बीसीसीआय भारतीय संघासाठी प्रशिक्षकाच्याही (coach) शोधात आहे. ज्यासाठीची नियुक्ती प्रक्रिया देखील लवकरच सुरू होणार आहे.

बीसीसीआय (BCCI) भारतीय संघासाठी प्रशिक्षकाच्याही (coach) शोधात आहे.
ऑस्ट्रेलियाचे टॉम मूडी देखील आहेत भारतीय प्रशिक्षक पदाच्या शर्यतीत

सूत्रांकडून मिळालेल्या माहितीनुसार, बीसीसीआय या आठवड्याच्या अखेरीस नवीन प्रशिक्षक आणि त्यांच्या सहाय्यक कर्मचाऱ्यांच्या पदासाठी जाहिरात प्रसिद्ध करण्यास तयार आहे. याबाबत एका माध्यमाशी बोलताना बीसीसीआयचे अधिकारी म्हणाले, आम्ही या आठवड्याच्या अखेरीस नवीन प्रशिक्षकासाठी जाहिरात प्रसिद्ध करीत आहोत. याबाबतचे निकष आणि आवश्यकता आम्ही या आधिच पाहिल्या आहेत. न्यूझीलंड मालिकेपूर्वी आमच्याकडे नवीन प्रशिक्षक आणि त्यांचे सहाय्यक कर्मचारी असतील.

दुबईमध्ये टी -20 विश्वचषक फायनलनंतर तीन दिवसांनी भारत (India) विरुध्द न्यूझीलंड (New Zealand) मालिकेला सुरुवात होत आहे. 17 नोव्हेंबरपासून भारतातच ही मालिका होणार आहे.

Related Stories

No stories found.