Indian Cricketer's Lifestyle: टीम इंडियाचे खेळाडू त्यांच्या लग्झरी लाइफस्टाइलसाठी ओळखले जातात. टीम इंडियाचा प्रमुख खेळाडू रवींद्र जडेजा हा जगातील स्टार अष्टपैलू खेळाडूंमध्ये गणला जातो, ज्यामुळे त्याची ब्रँड व्हॅल्यू खूप जास्त आहे. रवींद्र जडेजा राजेशाही जीवन जगण्यासाठी ओळखला जातो. या बातमीत आम्ही तुम्हाला त्याच्या जीवनशैली आणि संपत्तीबद्दल सांगणार आहोत. 33 वर्षीय अष्टपैलू रवींद्र जडेजाचा जन्म 6 डिसेंबर 1988 रोजी जामनगरमध्ये झाला. वृत्तानुसार, रवींद्र जडेजाची एकूण संपत्ती 13 दशलक्ष अमेरिकन डॉलर्स (सुमारे 100 कोटी रुपये) एवढी आहे.
दरम्यान, रवींद्र जडेजाचे (Ravindra Jadeja) बालपण खूप हालाखीत गेले. जडेजाचे वडील जामनगरमध्ये सुरक्षा रक्षक म्हणून काम करायचे आणि आई हॉस्पिटलमध्ये परिचारिका होती. दुसरीकडे, तो आंतरराष्ट्रीय क्रिकेट आणि आयपीएलमधून सर्वाधिक कमाई करतो. आयपीएल 2022 मध्ये त्याला चेन्नई संघाने 16 कोटी रुपयांमध्ये कायम ठेवले होते.
तसेच, जडेजाचे घर गुजरातमधील (Gujarat) जामनगरमध्ये आहे. त्याचा बंगला राजवाड्यापेक्षा कमी नाही. जडेजा अनेकदा आपल्या घराचे फोटो सोशल मीडियावर शेअर करत असतो. जडेजाचेही फार्म हाऊस आहे. या फार्म हाऊसचे नाव 'मि. जड्डू फार्म हाऊस', असे आहे. जडेजाने 2005 मध्ये आईला एका अपघातात गमावले. त्यानंतर जडेजाने पुन्हा क्रिकेटला सुरुवात केली.
शिवाय, रवींद्र जडेजाची आतापर्यंतची कारकीर्द शानदार राहिली आहे. जडेजाने टीम इंडियासाठी आतापर्यंत 60 कसोटी, 171 एकदिवसीय आणि 64 टी-20 सामने खेळले आहेत. रवींद्र जडेजा सध्या दुखापतीमुळे टीम इंडियातून (Team India) बाहेर आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
