IND VS NZ: टीम इंडियाचा धुरंधर खेळाडू दुखापतग्रस्त; कानपूर कसोटीतून घेतली माघार!

T20 मालिकेत (IND vs NZ) न्यूझीलंडचा पराभव केल्यानंतर आता टीम इंडिया कसोटीसाठी सज्ज झाली आहे.
IND VS NZ: टीम इंडियाचा धुरंधर खेळाडू दुखापतग्रस्त; कानपूर कसोटीतून घेतली माघार!
KL RahulDainik Gomantak

T20 मालिकेत (IND vs NZ) न्यूझीलंडचा (New Zealand) पराभव केल्यानंतर आता टीम इंडिया (Team India) कसोटीसाठी सज्ज झाली आहे. ज्याचा पहिला सामना 25 नोव्हेंबरपासून सुरु होत आहे. दोन कसोटी सामन्यांच्या मालिकेतील पहिला सामना कानपूरमध्ये होणार आहे. मात्र, या सामन्यापूर्वीच टीम इंडियाला एक मोठा धक्का लागला आहे. बीसीसीआयच्या (BCCI) सूत्रांनी दिलेल्या वृत्तानुसार, केएल राहुलला (KL Rahul) दुखापत झाली असून त्याने कानपूर कसोटीमधून माघार घेतली आहे. रोहित शर्मा (Rohit Sharma) आणि ऋषभ पंतही (Rishabh Pant) कसोटी मालिकेत खेळत नाहीत. त्याचबरोबर विराट कोहलीलाही (Virat Kohli) कानपूर कसोटीसाठी विश्रांती देण्यात आली आहे. टीम इंडियाने मंगळवारी कानपूरमध्ये नेटमध्ये सराव केला. सर्वप्रथम मयंक अग्रवाल आणि शुभमन गिल सलामीच्या सरावासाठी मैदानात उतरले. केएल राहुलने दुखापतीमुळे सराव केला नाही. केएल राहुलच्या दुखापतीनंतर आता मयंक अग्रवाल आणि शुभमन गिल यांनी सलामी द्यावी, असे मानले जात आहे. केएल राहुल फिट असेल तर शुभमन गिलला मधल्या फळीत खेळावे लागणार आहे. परंतु केएल राहुल अनफिट झाल्यामुळे आता शुभमन गिलला सलामीलाच उतरावे लागणार आहे.

सूर्यकुमार यादव कसोटी पदार्पण करणार!

केएल राहुलला दुखापत झाल्यास भारतीय संघ सूर्यकुमारला प्लेइंग इलेव्हनमध्ये संधी देऊ शकतो. सूर्यकुमार यादवने कानपूरमध्ये फलंदाजीचा सराव केला. सूर्यकुमार यादवचा शेवटच्या क्षणी टीम इंडियाच्या कसोटी संघात समावेश करण्यात आला. सूर्यकुमार यादवचा प्रथम श्रेणीतील रेकॉर्डही चांगला आहे. सूर्यकुमारने 77 सामन्यात 44.01 च्या सरासरीने 5326 धावा केल्या आहेत. ज्यामध्ये 14 शतके आणि 26 अर्धशतकांचा समावेश आहे.

KL Rahul
IND vs NZ: माझ्या अन् अजिंक्यच्या बॅटमधून लकरच शतक निघेल

कसोटी मालिकेसाठी टीम इंडिया - अजिंक्य रहाणे (कर्णधार), चेतेश्वर पुजारा (उपकर्णधार), केएल राहुल, मयंक अग्रवाल, शुभमन गिल, श्रेयस अय्यर, वृद्धिमान साहा (डब्ल्यूके), केएस भरत (डब्ल्यूके), रवींद्र जडेजा, आर अश्विन, अक्षर पटेल, जयंत यादव, इशांत शर्मा, उमेश यादव, मोहम्मद. सिराज, प्रसिद्ध कृष्ण.

न्यूझीलंड पूर्ण ताकदीने मैदानात उतरेल

टी-20 मालिकेत कर्णधाराशिवाय मैदानात उतरलेला किवी संघ आता कसोटी मालिकेत पूर्ण ताकदीने मैदानात उतरणार आहे. केन विल्यमसन, काइल जेम्सन हे संघात पुनरागमन करण्याच्या तयारीत आहेत. कानपूर कसोटीत वॅगनर, रॉस टेलर, टॉम लॅथम यांसारखे कसोटी विशेषज्ञही खेळतील.

KL Rahul
IND vs NZ: राहुल द्रविडसोबत काम करण्यास अन् नवीन आव्हान स्विकारण्यास उत्सुक

न्यूझीलंड कसोटी संघ: केन विल्यमसन, टॉम ब्लंडेल, काइल जेम्सन, टॉम लॅथम, डॅरेल मिशेल, हेन्री निकोल्स, एजाज पटेल, ग्लेन फिलिप्स, रचिन रवींद्र, मिचेल सँटनर, विल्यम सोमरविले, टिम साउथी, रॉस टेलर, नील वॅगनर, विल यूंग.

Related Stories

No stories found.
Dainik Gomantak | दैनिक गोमन्तक
www.dainikgomantak.com