माजी फिरकीपटूने केला मोठा खुलासा, सिराजच्या यशात या दिग्गजाचा हात

मुख्य गोलंदाजांव्यतिरिक्त संघाची (Team India) बेंच स्ट्रेंथही चांगली आहे.
माजी फिरकीपटूने केला मोठा खुलासा, सिराजच्या यशात या दिग्गजाचा हात
Mohammed SirajDainik Gomantak

टीम इंडियाची (Team India) गोलंदाजी अधिक मजबूत झाली असल्याची सर्वांनाच जाणीव आहे. मुख्य गोलंदाजांव्यतिरिक्त संघाची बेंच स्ट्रेंथही चांगली आहे. यातूनच युवा वेगवान गोलंदाज मोहम्मद सिराज (Mohammed Siraj) उदयास आला आहे. सिराजने अलीकडेच लॉर्ड्स कसोटीत संघाच्या विजयात महत्त्वाची भूमिका बजावली. त्याने पहिल्या डावात चार आणि दुसऱ्या डावात तितक्याच विकेट घेत भारतीय संघाच्या विजयात महत्त्वाची भूमिका बजावली. सिराजने ऑस्ट्रेलिया दौऱ्यातून कसोटीमध्ये पदार्पण केले. तेव्हापासून क्रिकेटप्रेमींकडून स्तुतीसुमनांचा वर्षाव केला जात आहे. भारताचे माजी लेगस्पिनर लक्ष्मण शिवरामकृष्णन (Laxman Sivaramakrishnan) यांनी म्हटले आहे की, सिराजच्या यशात भारताचे गोलंदाजी प्रशिक्षक भरत अरुण यांची महत्त्वाची भूमिका आहे.

Mohammed Siraj
ENG vs IND: तिसऱ्या कसोटीत जडेजाच्या जागी अश्विनला संधी मिळण्याची शक्यता

शिवरामकृष्णन म्हणाले की, भरतने हैदराबादमध्ये प्रशिक्षणादरम्यान सिराजची प्रतिभा ओळखली होती. शिवरामकृष्णन पुढे म्हणाले की, सिराज त्या गोलंदाजांपैकी एक आहे ज्यांना विकेट घेण्याची भूक आहे आणि भरतने आपल्या अफार मेहनतीतून भारतीय गोलंदाजाला बळ दिले आहे.

अजून खूप शिकायचे आहे

माध्यमाशी बोलताना शिवरामकृष्णन म्हणाले, "सिराजच्या यशाचे बरेच श्रेय भरताला जाते. हैदराबादचे प्रशिक्षक असताना त्यांनी सिराजची प्रतिभा ओळखली आणि त्याला घडविण्यास सुरुवात केली. जोपर्यंत सिराजला विकेट घेण्याची भूक आणि शिकण्याची प्रचंड इच्छा आहे. भरत यांनी त्याची क्षमता जोखली."

Mohammed Siraj
IND vs ENG: कसोटीत पास होण्यासाठी टीम इंडियाचा 'नेट प्लॅन'

सिराजने भरतने सांगितले तेच केले

शिवरामकृष्णन म्हणाले की, काही जण प्रशिक्षकाच्या सल्ल्यावर शंका घेऊ शकतात, पण सिराज यांनी भरतचा दृष्टिकोन मनापासून स्वीकारला. ते म्हणाले की, सिराज भारतला आपला गुरू मानतो. ते पुढे म्हणाले, “सिराजने भरतचे पालन केले, त्याने जे सांगितले ते केले. काही लोक त्यावर शंका घेऊ शकतात, ते बरोबर की अयोग्य यावर शंका घेऊ शकतात, परंतु सिराजने भरतला आपले गुरू मानले आणि जे सांगितले ते केले. भरतने आपला अनुभव संघाचे मुख्य प्रशिक्षक रवी शास्त्री यांच्यासोबत शेअर केला आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com