सौरव गांगुली होणार तृणमुल कॉंग्रेसचे खासदार ?

ममता बॅनर्जी (Mamta Banerjee) आणि सौरव गांगुली (Sourav Ganguly) यांचे संबंध चांगले असल्याचे अनेकदा समोर आले आहे.
Sourav Ganguly
Sourav Ganguly Dainik Gomantak

टीम इंडियाचे माजी कर्णधार आणि BCCIचे विद्यमान अध्यक्ष सौरव गांगुली (Sourav Ganguly) यांना तृणमुल कॉंग्रेस (TMC) राज्यसभेवर पाठविण्याची तयारी करीत असल्याची चर्चा सध्या राजकिय वर्तुळात आहे. यापूर्वी सौरव गांगुलीच्या वाढदिवशी मुख्यमंत्री आणि तृणमूल कॉंग्रेसच्या प्रमुख ममता बॅनर्जी (Mamta Banerjee) यांनी त्यांच्या घरी जाऊन त्यांना शुभेच्छा दिल्या होत्या. यानंतर गांगुलीबद्दलच्या या चर्चेल उधान आले आहे. (There is talk of Sourav Ganguly becoming a Trinamool Congress MP)

भाजपा बर्‍याच दिवसांपापासून सौरवला आपल्या गोटात ओढण्याचा प्रयत्न करीत असल्याचे दिसते आहे. बंगाल विधानसभा निवडणुकीपूर्वी सौरव यांना थेट ममतांच्या विरोधात उभे करण्याचा भाजपने जोरदार प्रयत्न केला होता, पण सौरव यांनी स्पष्टपणे म्हटले होते की सध्या राजकारणात येण्याची आपली कोणतीही ईच्छा नाही. तर दुसरीकडे सौरव गांगुलींचे ममता बॅनर्जीं बरोबर चांगले संबंध आहेत. सौरवला बंगालच्या क्रिकेट असोसिएशनचे अध्यक्ष बनविण्यात ममता बॅनर्जींची महत्त्वपूर्ण भूमिका होती.

Sourav Ganguly
Tokyo Olympics: कोरोनाचे शुल्ककाष्ट हटेना,लिथुआनियाचा खेळाडू पॉझिटीव्ह

यावर्षी जानेवारीत सौरव गांगुलीला हृदयविकाराचा झटका आला होता, तेव्हा ममता त्यांना भेटण्यासाठी रुग्णालयातही गेल्या होत्या. आता अशी असा अंदाज देखील वर्तवला जात आहे की, राज्यसभेच्या सदस्याबाबत ममता यांनी सौरवशी चर्चा केली असल्याचे बोलले जाते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com