IND vs NZ: गब्बरची विकेट घेताच टीम साऊदीचा जलसा, 200 बळी पूर्ण करणार ठरला 5 वा गोलंदाज

IND vs NZ: न्यूझीलंडचा वेगवान गोलंदाज टीम साऊदीने शिखर धवनच्या विकेटसह खास यादीत आपले स्थान निर्माण केले आहे.
New Zealand Team
New Zealand Team Dainik Gomantak

India vs New Zealand: न्यूझीलंडचा वेगवान गोलंदाज टीम साऊदीने शिखर धवनच्या विकेटसह खास यादीत आपले स्थान निर्माण केले आहे. एकदिवसीय क्रिकेटमध्ये 200 बळी घेणारा तो न्यूझीलंडचा 5 वा गोलंदाज ठरला आहे. धवनच्या रुपात त्याने एकदिवसीय क्रिकेटमध्ये 200 बळी पूर्ण केले. साऊदीने आतापर्यंत खेळलेल्या 149 सामन्यांमध्ये 33.98 च्या सरासरीने आणि 5.42 च्या इकॉनॉमीने या विकेट घेतल्या आहेत.

दरम्यान, डॅनियल व्हिटोरी, काइल मिल्स, ख्रिस हॅरिस आणि ख्रिस केर्न्स यांसारख्या दिग्गज गोलंदाजांच्या यादीत टीम साऊदीचा समावेश झाला आहे. माजी कर्णधार व्हिटोरी न्यूझीलंडकडून (New Zealand) 297 विकेट्ससह वनडे क्रिकेटमध्ये सर्वाधिक बळी घेणाऱ्यांच्या यादीत अव्वल स्थानावर आहे.

New Zealand Team
NZ vs IND 1st ODI, Live Streaming: केव्हा अन् कुठे होणार पहिली वनडे, घ्या जाणून

न्यूझीलंडकडून सर्वाधिक एकदिवसीय विकेट घेणारा गोलंदाज

  • डॅनियल व्हिटोरी - 297

  • काइल मिल्स - 240

  • ख्रिस हॅरिस - 203

  • ख्रिस केर्न्स - 200

  • टिम साऊदी - 200*

तसेच, साऊदीने आज आणखी काही विकेट्स घेतल्यास, तो या यादीत एक-दोन अंकानी झेप घेऊ शकेल. त्याला ख्रिस केर्न्सला मागे टाकण्यासाठी 1 विकेट्सची गरज आहे.

New Zealand Team
IND vs NZ: महान फलंदाज Viv Richards यांचा रेकॉर्ड मोडण्यासाठी टीम इंडियाचा गब्बर सज्ज!

दुसरीकडे, भारतीय डावाबद्दल बोलायचे झाल्यास, नाणेफेक हारुन प्रथम फलंदाजी करण्याचा निर्णय घेतल्यानंतर शिखर धवन (72) आणि शुभमन गिल (50) या सलामीच्या जोडीने चांगली सुरुवात केली आणि पहिल्या विकेटसाठी 124 धावांची भागीदारी केली. मात्र, लॉकी फर्ग्युसनने गिलला बाद करुन न्यूझीलंडला पहिले यश मिळवून दिले. यानंतर साऊदीने धवनला आपली शिकार बनवले. त्यानंतर लॉकीने ऋषभ पंत (15) आणि सूर्यकुमार यादव (Suryakumar Yadav) (4) यांना त्याच षटकात 33 व्या षटकात परतवून न्यूझीलंडला सामन्यात परत आणले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com