Tokyo Olympic: पणजीत स्पर्धेनिमित्त जागृती

पणजी : केंद्रीय राज्यमंत्री आणि गोवा ऑलिंपिक असोसिएशनचे (Goa Olympic Association) अध्यक्ष श्रीपाद नाईक (Shripad Naik) यांच्या उपस्थितीत पणजीतील (Panaji) कदंब बसस्थानकावर टोकियो ऑलिंपिक (Tokyo Olympic) निमित्त जागृती कार्यक्रमास सुरूवात झाली. त्यानिमित्त १७ दिवस ऑलिंपिकसंबंधित विविध उपक्रम होतील. संध्याकाळच्या सत्रात ऑलिंपिक स्पर्धेचे प्रक्षेपण होईल. याशिवाय क्रीडापटू व क्रीडा प्रशासकांचा सन्मान केला जाईल. मिनी मॅरेथॉन होईल, तसेच ऑलिंपिक प्रश्नमंजुषाही घेण्यात येईल.

उत्तर गोवा ऑलिंपिक जागृती कार्यक्रमास गोवा क्रीडा प्राधिकरणाचे कार्यकारी संचालक वसंत प्रभुदेसाई, कदंब वाहतूक महामंडळाचे (Kadamba Transport Corporation Ltd) उपाध्यक्ष दीपक नाईक, गोवा ऑलिंपिक असोसिएशनचे सचिव गुरुदत्त भक्ता, समन्वयक संदीप हेबळे, चेतन कवळेकर, जयेश नाईक, राजेंद्र गुदिन्हो आदींची उपस्थितीत होती. यावेळी ऑलिंपिक स्पर्धा उद्घाटनाचे थेट प्रक्षेपण दाखविण्यात आले, तसेच मान्यवरांची ऑलिंपिक जागृतीविषयक भाषणे झाली.