गोव्यातील क्रीडापटूंच्या संपर्कात तृणमूल

पश्चिम बंगालचे क्रीडामंत्री, भारताचे माजी आंतरराष्ट्रीय क्रिकेटपटू मनोज तिवारी गोव्यात ठाण मांडून बसले
गोव्यातील क्रीडापटूंच्या संपर्कात तृणमूल
Sports Minister of West Bengal Manoj TiwaryDainik Gomantak

गोव्यातील (Goa) आगामी निवडणुकीच्या (Election) पार्श्वभूमीवर युवा मतदारांना आकर्षित करण्याच्या उद्देशाने तृणमूल काँग्रेस (Trinamool Congress) पक्षाने राज्यातील क्रीडापटूंशी (Sports Players) सलगी वाढविण्याचे ठरविले आहे. त्याचाच एक भाग म्‍हणून पश्चिम बंगालचे (West Bengal) क्रीडामंत्री, भारताचे माजी आंतरराष्ट्रीय क्रिकेटपटू मनोज तिवारी (Manoj Tiwary) आठवडाभर गोव्यात ठाण मांडून आहेत.

Sports Minister of West Bengal Manoj Tiwary
Goa: 'महिला फुटबॉल लीग' 6 ऑक्टोबरपासून...

आयपीएलमुळे ते स्वप्नील अस्नोडकर, शदाब जकाती या गोमंतकीय क्रिकेटपटूंना चांगले ओळखतात. दक्षिण गोव्याचे माजी खासदार रमाकांत आंगले यांचे पुत्र गोव्याचे माजी रणजीपटू आदित्य आंगले यांच्याशीही तिवारी यांचा स्नेह असल्याचे सांगितले जाते. या वर्षी सुरवातीस 35 वर्षीय तिवारी यांनी तृणमूल काँग्रेसमध्ये प्रवेश केला.

ते राज्य विधानसभेत आमदार म्हणून निवडूनही आले, नंतर ममता बॅनर्जी यांनी राज्य मंत्रिमंडळात त्यांना क्रीडा व युवा व्यवहार खात्याचे राज्यमंत्रीही बनवले. आता गोव्यातील क्रीडापटूंना तृणमूलकडे आकर्षित करण्याचे काम तिवारी यांच्याकडे सोपविण्यात आल्याचे समजते, कितीजण गळाला लागतात हे लवकरच कळेल.

बंगाल व गोव्यातील विशेष साम्य म्हणजे ते फुटबॉल. या दोन्ही राज्यांत हा खेळ खूपच लोकप्रिय आहे. ममता दिदींच्या तृणमूल काँग्रेसने फुटबॉलची मदत घेत ‘खेला होबे’ मोहीम सफल ठरवत पश्चिम बंगालमध्ये भाजपचे कडवे आव्हान यशस्वीपणे परतवून लावले होते.

Sports Minister of West Bengal Manoj Tiwary
Goa: तृणमूल आणि फुटबॉल

दरम्यान गोवा फुटबॉल असोसिएशनच्या (GFA) वेदांता महिला लीग फुटबॉल स्पर्धेस येत्या सहा ऑक्टोबरपासून सुरवात होत आहेत. आणि विजेतेपदासाठी पाच संघांत चुरस असणार आहे. या स्पर्धेत राज्यातील शंभरपेक्षा जास्त महिला फुटबॉलपटू सहभागी होणार आहेत.

Related Stories

No stories found.