Goa U25's Cricket: 'मनीष'ची एकाकी झुंज व्यर्थ; चुरशीच्या सामन्यात झारखंडची सरशी

चुरशीच्या लढतीत गोवा नऊ धावांनी पराभूत
Goa U25's cricket
Goa U25's cricketDainik Gomantak

पणजी: मनीष काकोडे याने खिंड लढविताना हेरंब परब याच्यासमवेत नवव्या विकेटसाठी 62 धावांची झुंजार भागीदारी केली, पण हे प्रयत्न पुरेसे ठरले. त्यामुळे 25 वर्षांखालील एकदिवसीय क्रिकेट स्पर्धेत गोव्याला चुरशीच्या लढतीत झारखंडकडून नऊ धावांनी हार पत्करावी लागली. हा सामना आज हरियानातील गुरुग्राम येथे पार पडला.

(Under-25 ODI cricket tournament Jharkhand defeated Goa )

प्रथम फजंदाजी स्विकारत झाररखंडला गोव्याच्या गोलंदाजांनी 229 धावांत गुंडाळले. नंतर कर्णधार मंथन खुटकर (54) याच्या अर्धशतकानंतरही गोव्याची 8 बाद 148 अशी घसरगुंडी उडाली. मंथनने शिवम आमोणकर याच्यासमवेत गोव्याला 54 धावांची सलामी दिली. शिवम बाद झाल्यानंतर गोव्याचे फलंदाज ठराविक अंतराने बाद होत गेले.

कठीण परिस्थितीत मनीष व हेरंब यांनी झारखंडच्या गोलंदाजांवर प्रतिहल्ला चढविला. त्यांनी 48 चेंडूंत 62 धावांची भागीदारी करून गोव्याला आशा दाखविली. विजयासाठी 20 धावा हव्या असताना रौनक याने त्रिफळाचीत बाद केले. आणखी दहा धावानंतर रौनकनेच मनीषला बाद करून झारखंडच्या विजयावर शिक्कामोर्तब केले. मनीषने 50 चेंडूंत 2 चौकार व 3 षटकारांच्या मदतीने 46 धावा केल्या.

Goa U25's cricket
Cooch Behar Trophy: कुचबिहार करंडकात गोव्याचा मोठा विजय; कसवणकर बंधू चमकले

संक्षिप्त धावफलक

झारखंड : 47.4 षटकांत सर्वबाद 229 (व्ही. विशाल 29, आर्यमान सेन 37, विवेक कुमार 25, रॉबिन मिंझ 52, राजन दीप 26, मोहित कुमार 32, हेरंब परब 9-1-29-1, शुभम तारी 9.4-0-52-2, निहाल सुर्लकर 10-1-37-3, कीथ पिंटो 7-0-33-1, मनीष काकोडे 6-0-36-1, योगेश कवठणकर 1-0-15-0, मंथन खुटकर 2-0-9-0, शिवम आमोणकर 3-0-17-1)

Goa U25's cricket
FIFA World Come Opening Ceremony: फिफा वर्ल्डकप स्पर्धेच्या उद्गाटन सोहळ्यातून कतारच्या संस्कृतीचे दर्शन

वि. वि. गोवा : 48.1 षटकांत सर्वबाद 220 (शिवम आमोणकर 17, मंथन खुटकर 54, कश्यप बखले 3, आनंद तेंडुलकर 11, योगेश कवठणकर 8, सोहम पानवलकर 27, निहाल सुर्लकर 9, कीथ पिंटो 6, मनीष काकोडे 46, हेरंब परब 27, शुभम तारी नाबाद 2, रौनक 2-38, मनीषी 3-49, एस. एम. त्रिपाठी 3-31, राजन दीप 1-38).

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com