Goa Professional League : वास्कोची वेळसाव क्लबवर मात

Goa Professional League
Goa Professional League

पणजी : वास्को स्पोर्टस क्लबने रविवारी चुरशीच्या गोवा प्रोफेशनल लीग फुटबॉल लढतीत वेळसाव स्पोर्टस अँड कल्चरल क्लबवर 3 - 2 फरकाने निसटता विजय नोंदविला. सामना म्हापसा येथील धुळेर स्टेडियमवर झाला.

वेळसाव क्लबला चौथ्या रॉनिल आझावेदो याने आघाडी मिळवून दिली, नंतर डेसमॉन गामा याने बरोबरीचा गोल केल्यानंतर डेनिल रिबेलो आणि अनिल गावकर यांच्या गोलमुळे वास्को क्लबने दमदार आघाडी प्राप्त केली. ब्रायन मस्कारेन्हास याने नंतर वेळसाव क्लबची पिछाडी एका गोलने कमी केली.

वास्को क्लबचा पाच सामन्यातील चौथा विजय ठरला. त्यामुळे त्यांचे आता 12 गुण झाले असून अव्वल क्रमांकही मिळाला आहे. वेळसाव क्लबला चौथ्या पराभवामुळे पाच लढतीनंतर एका गुणावर कायम राहावे लागले.

स्पर्धेत सोमवारी (ता. 1) धुळेर-म्हापसा येथील स्टेडियमवर साळगावकर एफसी व धेंपो स्पोर्टस क्लब यांच्यात लढत होईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com