Video: दोन टप्प्यांवर बटलरचा गगनचुंबी षटकार

आयपीएलनंतर नेदरलँडविरुद्ध जॉस बटलरची बॅट थांबण्याचे नाव घेत नाही आहे.
Video: दोन टप्प्यांवर बटलरचा गगनचुंबी षटकार
Jose Butler hit brilliant six Dainik Gomantak

आयपीएलमध्ये धमाकेदार कामगिरी केल्यानंतर आंतरराष्ट्रीय क्रिकेटमध्येही जोस बटलरची बॅट थांबण्याचे नाव घेत नाही आहे. बटलरने नेदरलँड्सविरुद्धच्या तीन सामन्यांच्या एकदिवसीय मालिकेत गोलंदाजांवर दया दाखवली नाही आणि तीन सामन्यांच्या दोन डावात एक शतक आणि अर्धशतकांसह एकूण 248 धावा केल्या. तिसऱ्या एकदिवसीय सामन्यातही त्याने 64 चेंडूत नाबाद 86 धावा करत इंग्लंडला सहज विजय मिळवून दिला. (Jose Butler hit brilliant six)

बटलरने 86 धावांच्या या खेळीत 7 चौकार आणि 5 षटकारही मारले. बटलर आणि जेसन रॉय यांच्या झंझावाती खेळीमुळे इंग्लंडने अवघ्या 30.1 षटकांत 245 धावांचे लक्ष्य गाठले. मालिकेत सर्वाधिक 248 धावा केल्याबद्दल बटलरला प्लेयर ऑफ द सिरीजचा किताब देण्यात आला. संपूर्ण मालिकेत बटलरच्या बॅटने 14 चौकार आणि 19 षटकार मारले.

Jose Butler hit brilliant six
ICC क्रमवारीत टीम इंडियाची कामगिरी, इशान किशनसह दिनेश कार्तिकचीही मोठी झेप

नेदरलँड्सविरुद्धच्या तिसर्‍या एकदिवसीय सामन्यात त्याने षटकार ठोकून चाहत्यांचे मनोरंजन केले, मात्र यादरम्यान त्याच्या बॅटमधून असा षटकार लगावल्या गेला ज्यामुळे सगळे क्रिकेटप्रेमी हसायला लागले. ही घटना इंग्लंडच्या डावाच्या 29 व्या षटकात घडली. जेव्हा नेदरलँडचा वेगवान गोलंदाज पॉल व्हॅन मीकेरेनने पाचवा चेंडू टाकला आणि तो 2 टॅप्ससह बटलरपर्यंत पोहोचला.

Jose Butler hit brilliant six
पाकिस्तान क्रिकेट संघ जुलैमध्ये श्रीलंका दौऱ्यावर

हा चेंडू खेळपट्टीच्या बाहेर लेग साईडला होता आणि नियमानुसार, बटलरने हा चेंडू सोडला असता तर त्याचे खूप कौतुक झाले असते पण बटलरने हा चेंडूही सोडला नाही उलट चेंडूला लांब षटकार मारून फाइन लेगवर पाठवले. हा चेंडू खेळपट्टीच्या बाहेर पडला, त्यामुळे तो नो बॉल होता आणि बटलरला पुढचा फ्री हिटची संधी मिळाली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com