Jasprit Bumrah - Sanjana Ganesan: भारतीय संघाचा वेगवान गोलंदाज जसप्रीत बुमराह गेल्या सहा महिन्यांपासून पाठीच्या दुखापतीमुळे क्रिकेटपासून दूर आहे. पण असे असले तरी त्याच्या आयुष्यात लवकरच आनंद येणार असल्याची शक्यता आहे. त्याची पत्नी संजना गणेशन लवकरच गोड बातमी देणार असल्याची चर्चा होत आहे.
सध्या सोशल मीडियावर संजनाचा एक फोटो प्रचंड व्हायरल होत आहे. संजना क्रिकेट होस्ट देखील आहे. त्यामुळे सध्या सुरू असलेल्या वूमन प्रीमियर लीगमध्येही ती अँकरिंग करताना दिसते. याचदरम्यानचा तिचा एक फोटो व्हायरल होत आहे. या फोटोमुळे ती गरोदर असल्याची चर्चा होत आहे.
सोशल मीडियातून समोर आलेल्या फोटोमध्ये संजनाचा बेबी बंप दिसत असल्याचा दावा केला जात आहे. याच गोष्टीमुळे संजना आणि जसप्रीत बुमराह लवकरच आई-बाबा होणार असल्याच्या चर्चांनी जोर धरला आहे.
दरम्यान, या चर्चांबाबत संजना आणि बुमराह यांच्याकडून कोणतेही भाष्य करण्यात आलेले नाही.
बुमराह गेल्या काही महिन्यांपासून पाठीच्या दुखापतीचा सामना करत आहे. त्याचमुळे त्याला गेल्या सहा महिन्यात भारताकडून क्रिकेट खेळताच आले नाही. त्याने शेवटचा आंतरराष्ट्रीय सामना 25 सप्टेंबर 2022 रोजी ऑस्ट्रेलियाविरुद्ध टी20 मालिकेत खेळला होता.
आता नुकतीच त्याच्या पाठीवर न्यूझीलंडमध्ये शस्त्रक्रिया झाली असल्याचे समोर आले आहे. त्यामुळे आता त्याच्या पुनरागमनाची प्रतिक्षा आणखी लांबली आहे. तो आगामी आयपीएल 2023 स्पर्धेतूनही बाहेर झाला आहे. तसेच भारतीय संघाने जर कसोटी चॅम्पियनशीपच्या फायनलमध्ये जागा मिळवली, तर या सामन्यालाही तो मुकण्याची दाट शक्यता आहे.
असे म्हटले जात आहे की बुमराह आता ऑगस्टमध्ये सरावाला सुरुवात करेल. त्यामुळे तो ऑक्टोबर-नोव्हेंबरमध्ये होणाऱ्या वनडे वर्ल्डकपमधून पुनरागमन करू शकतो.
जसप्रीत बुमराहने त्याच्या आंतरराष्ट्रीय कारकिर्दीत आत्तापर्यंत कसोटीत 30 सामन्यांत 128 विकेट्स घेतल्या. तसेच 72 वनडे सामन्यात 121 विकेट्स घेतल्या आहेत. त्याचबरोबर 60 आंतरराष्ट्रीय टी20 सामन्यांत 70 विकेट्स घेतल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
