Virat Kohli चा करिष्मा, T20 क्रिकेटमध्ये अशी कामगिरी करणारा ठरला पहिला भारतीय

India vs Afghanistan Asia Cup 2022: आशिया चषक स्पर्धेतील शेवटच्या सामन्यात भारताने अफगाणिस्तानचा 101 धावांनी पराभव केला. आशिया चषकापूर्वीच भारत बाहेर पडला होता. या सामन्यात विराट कोहलीने झंझावाती शतक झळकावले. त्याने आपल्या उत्कृष्ट फलंदाजीने सर्वांची मनेही जिंकली. विराटने शतक झळकावताच मोठा विक्रम केला.

विराट कोहलीने हा विक्रम केला

अफगाणिस्तानविरुद्धच्या सामन्यात रोहित शर्मा विश्रांती घेत होता. याच कारणामुळे विराट कोहली (Virat Kohli) स्टार केएल राहुलसोबत सलामीला आला. त्‍याने त्‍याच्‍या टी-20 करिअरमध्‍ये 53 बॉलमध्‍ये पहिले शतक झळकावले. कोहलीने 61 चेंडूत 122 धावांची खेळी खेळली, ज्यात 12 चौकार आणि 6 षटकारांचा समावेश होता. यासह, विराटने T20 आंतरराष्ट्रीय क्रिकेटमध्ये सर्वोत्तम धावसंख्या केली. त्याच्या आधी हा विक्रम रोहित शर्माच्या नावावर होता. रोहितने श्रीलंकेविरुद्ध 118 धावांची इनिंग खेळली होती. T20 क्रिकेटमध्ये 120 पेक्षा जास्त धावा करणारा कोहली हा भारताचा (India) पहिला फलंदाज आहे.

T20 क्रिकेटमध्ये 3500 धावा पूर्ण केल्या

यासोबतच, विराट कोहलीने आंतरराष्ट्रीय T20 मध्ये 3500 धावाही पूर्ण केल्या आहेत. अशी कामगिरी करणारा विराट कोहली हा रोहित शर्मानंतर (Rohit Sharma) जगातील दुसरा खेळाडू बनला आहे. विराटच्या आता T20 मध्ये 104 सामन्यांच्या 96 डावात 3584 धावा झाल्या आहेत. त्याची सरासरी 51.94 आहे, T20 आंतरराष्ट्रीय सामन्यांमध्ये विराटचे 32 अर्धशतके आणि 1 शतक आहे.

तीन वर्षांनंतर शतक

जवळपास तीन वर्षांनंतर, भारताचा स्टार फलंदाज विराट कोहलीने गुरुवारी दुबई आंतरराष्ट्रीय स्टेडियमवर आशिया चषक 2022 च्या सुपर फोर सामन्यात अफगाणिस्तान विरुद्धचे 71 वे आंतरराष्ट्रीय आणि T20 सामन्यातील पहिले शतक झळकावले. कोहलीने नोव्हेंबर 2019 मध्ये ईडन गार्डन्सवर बांगलादेशविरुद्धच्या डेनाइट कसोटीत शेवटचे आंतरराष्ट्रीय शतक झळकावले आणि 1020 दिवसांनंतर शतकाचा दुष्काळ संपवला.

आंतरराष्ट्रीय क्रिकेटमध्ये सर्वाधिक शतके

1. सचिन तेंडुलकर - 100 शतके

2. विराट कोहली - 71 शतके / रिकी पाँटिंग - 71 शतक