विष्णू सोळंकीच्या शतकाच्या बळावर पाच विकेट राखून विजय

Vishnu Solankis century on the strength of five wickets
Vishnu Solankis century on the strength of five wickets

पणजी : बडोद्याची भक्कम फलंदाजी शनिवारी गोव्यास भारी ठरली. विजय हजारे करंडक एकदिवसीय क्रिकेट स्पर्धेच्या एलिट अ गटात विष्णू सोळंकीच्या पहिल्या शतकाच्या बळावर त्यांनी पाच विकेट राखून विजय मिळविला.

सामना गुजरातमधील सूरत येथील खोलवाड जिमखाना मैदानावर झाला. 28 वर्षीय विष्णूचे हे लिस्ट ए क्रिकेटमधील पहिलेच शतक ठरले. विष्णूने 132 चेंडूंत 12 चौकार व एका षटकाराच्या मदतीने 108 धावा केल्या. त्याने स्मित पटेल (58) याच्यासमवेत दुसऱ्या विकेटसाठी 95, तर कर्णधार कृणाल पंड्या (71) याच्या साथीत तिसऱ्या विकेटसाठी 138 धावांची भागीदारी करून बडोद्याचा विजय साकारला.

गोव्याने प्रथम फलंदाजी करताना स्नेहल कवठणकरच्या (81) अर्धशतकामुळे सर्वबाद 263 धावा केल्या होत्या. स्नेहलने एकनाथ केरकर याच्यासमवेत चौथ्या विकेटसाठी 86 धावांची भागीदारी केली.डावातील नऊ चेंडू बाकी राखून सामना जिंकताना बडोद्याने 5 बाद 264 धावा केल्या. 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com