कोहलीचा 'विराट' फॉर्म परत कधी येणार?

छोट्या धावसंख्येवर बाद झाल्यानंतर विराट कोहली खूपच निराश दिसत होता.
कोहलीचा 'विराट' फॉर्म परत कधी येणार?
Virat Kohli Dainik Gomantak

IPL 2022 मध्ये विराट कोहलीचा खराब फॉर्म कायम आहे. शुक्रवारी संध्याकाळी कोहलीची टीम आरसीबीने पंजाब विरुद्ध सामना खेळला. या सामन्यात त्याच्याकडून मोठ्या खेळीची अपेक्षा होती, पण तसे झाले नाही, कोहली अवघ्या 20 धावा करून बाद झाला. (when will Virat Kohli regain his form)

Virat Kohli
कामरान अकमल उमरानच्या गोलंदाजीवर फिदा म्हणाला, "तर तो आता..."

छोट्या धावसंख्येवर बाद झाल्यानंतर विराट कोहली खूपच निराश दिसत होता. विराट बऱ्याच दिवसांपासून खराब फॉर्मशी झुंज देत आहे. सध्या तो त्याच्या कारकिर्दीतील सर्वात वाईट टप्प्यातून जात आहे, असे अनेक क्रिकेट प्रेमींचे म्हणणे आहे.

पंजाबविरुद्धच्या सामन्यात आरसीबीसाठी डावाची सुरुवात करणाऱ्या विराटची सुरुवात चांगली झाली होती. त्याने दोन शानदार चौकार आणि एक षटकार ठोकला, पण 14 चेंडूत 20 धावा करून तो पॅव्हेलियनमध्ये परतला. यासह विराटकडून मोठ्या धावसंख्येची अपेक्षा करणाऱ्या चाहत्यांची पुन्हा एकदा निराशा झाली.

Virat Kohli
IPL 2022: मॅच पाहण्यासाठी आली मांजर, अंपायरने थांबवाला सामना

बाद झाल्यानंतर विराट पॅव्हेलियनमध्ये परतला आणि डगआऊटमध्ये बसला होता. यावेळीही त्याचा नशिबावर विश्वास बसत नव्हता. यावेळीही कोहलीच्या चेहऱ्यावर निराशा स्पष्ट दिसत होती, असे दर्शकांचे म्हणणे आहे. गेल्या अनेक सामन्यांपासून विराट सुरुवातीला चांगली फलंदाजी करतो, पण त्याच्याकडून मोठ्या खेळीची अपेक्षा होताच तो बाद होतो. या सामन्यातही विराट चांगली सुरुवात केल्यानंतर बाद झाला.

आरसीबीने हा सामना 54 धावांनी गमावला
या सामन्यात प्रथम फलंदाजी करताना पंजाबने 209 धावांची मोठी धावसंख्या उभारली. प्रत्युत्तरात बंगळुरूचा संघ निर्धारित 20 षटकांत नऊ गडी गमावून केवळ 155 धावाच करू शकला आणि 54 धावांनी सामना गमावला. पंजाबकडून जॉनी बेअरस्टो आणि लियाम लिव्हिंगस्टोन यांनी शानदार फलंदाजी केली. बेअरस्टोने 66 तर लिव्हिंगस्टोनने 70 धावा केल्या. त्याचवेळी हर्षल पटेलने चार विकेट घेतल्या. वनिंदू हसरंगाने दोन गडी बाद केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.