Gujarat Titans Jersey: ...म्हणून गुजरातचे खेळाडू हैदराबादविरुद्ध घालणार लेवेंडर जर्सी, जाणून घ्या कारण

Gujarat Titans wearing lavender jersey: इंडियन प्रीमियर लीग 2023 स्पर्धेत सोमवारी गुजरात टायटन्स विरुद्ध सनरायझर्स हैदराबाद संघात सामना होत आहे. नरेंद्र मोदी स्टेडियमवर होणाऱ्या या सामन्यात गुजरात संघ नेहमीपेक्षा वेगळ्या रंगाची जर्सी घालून मैदानात उतरणार आहे.

गुजरात या सामन्यात लेवेंडर रंगाची जर्सी घालून मैदानात उतरणार आहे. यामागील कारण म्हणजे गुजरात या सामन्यातून कर्करोगाविरुद्ध जनजागृती करणार आहेत. त्याच कारणाने ते नेहमीच्या निळ्या रंगाची जर्सी न घालता लेवेंडर जर्सी घालणार आहेत.

या उपक्रमाबद्दल गुजरातचे सीओओ म्हणाले, 'कर्करोगामुळे जगभरात लाखो लोकांचे मृत्यू होतात आणि त्याचा रूग्ण आणि त्यांच्या कुटुंबीयांवर घातक परिणामही होतात. कर्करोगाविषयी जागरूकता निर्माण करण्यासाठी आम्हाला आनंद होत आहे, ज्यात केवळ लोकांना लवकर लक्षणे ओळखण्याच्या महत्त्वाबद्दलच शिक्षित करण्याचा प्रयत्न नाही तर कर्करोगाचा धोका कमी करण्यासाठी निरोगी जीवनशैलीचा अवलंब करण्याचे महत्त्व देखील अधोरेखित करणार आहे.'

गुजरातचा कर्णधार हार्दिक पंड्या म्हणाला, 'कर्करोग हे भारतातील आणि जगभरातील लाखो लोका लढत असलेली लढाई आहे आणि एक संघ म्हणून, या प्राणघातक आजाराबद्दल जागरूकता निर्माण करण्यासाठी आम्ही आमची जबाबदारी समजतो.'

'लॅव्हेंडर जर्सी घालणे हा कर्करोग रुग्ण, त्यातून वाचलेले आणि त्यांच्या कुटुंबियांबरोबर आम्हीही आहोत, हे दाखवण्याचा आमचा मार्ग आहे. आम्हाला आशा आहे की आमची कृती इतरांना प्रतिबंधात्मक उपाय करण्यासाठी आणि ही लढाई लढणाऱ्यांना पाठिंबा देण्यासाठी प्रेरणा देईल.'

दरम्यान गुजरात संघाच्या आयपीएल २०२३ मधील कामगिरीबद्दल सांगायचे झाल्यास त्यांनी आत्तापर्यंत १२ सामने खेळले असून ८ सामने जिंकले आहेत. त्याचबरोबर ४ सामने पराभूत झाले आहेत. त्यामुळे गुजरात सध्या १६ गुणांसह सध्या गुणतालिकेत अव्वल क्रमांकावर आहेत.