'...दारुच्या नशेत मला'; चहलने केला धक्कादायक रहस्याचा खुलासा

खेळाडू असो किंवा सामान्य माणूस, प्रत्येकाच्या आयुष्यात असा प्रसंग येतो जेव्हा तो मृत्यूला स्पर्श करुन परत येतो. राजस्थान रॉयल्सच्या (Rajasthan Royals) खेळाडूंनी अशाच गोष्टी एका खास व्हिडिओमध्ये कथन केल्या ज्यामध्ये एकवेळ त्यांना वाटले की आपला जीव जाणार आता. राजस्थान रॉयल्समधील घातक फिरकी गोलंदाज युजवेंद्र चहलने (Yuzvendra Chahal) सांगितले की, 'आयपीएल पार्टीदरम्यान मुंबई इंडियन्सच्या (Mumbai Indians) एका वरिष्ठ खेळाडूने मला हॉटेलच्या 15 व्या मजल्यावरच्या बाल्कनीत लटकवले होते.' चहल व्यतिरिक्त, करुण नायर आणि आर अश्विन (R. Ashwin) यांनी देखील त्यांच्यासोबत कधी आणि कुठे अशा जीवघेण्या प्रसंगाला सामोरे जावे लागले याविषयी सांगितले आहे. (Yuzvendra Chahal reveals horrifying experience ipl 2013 Mumbai Indians)

दरम्यान, व्हिडिओमध्ये आर अश्विनने चहल आणि नायर यांना विचारले की, 'तुमच्या आयुष्यात असा प्रसंग आला होता का जेव्हा तुम्हाला वाटले आता सर्व काही संपले.' त्यावर चहलने उत्तर देत म्हटले की, 'माझ्यासोबत घडलेल्या प्रकाराबद्दल मी कधीही कोणाशीही बोललो नाही.' पहिल्यांदाच चहलने आपल्याला आलेल्या अनुभवाबद्दल सांगितले.

चहलला बाल्कनीतून फाशी देण्यात आली

यजुवेंद्र चहल म्हणाला, ''मी हे आजपर्यंत कोणालाही सांगितले नाही, पण आजपासून सर्वांना हे कळेल. 2013 मध्ये मी मुंबई इंडियन्सकडून खेळत होतो. आमची बंगलोरमध्ये मॅच होती आणि मॅचनंतर पार्टी होती. आमच्या संघात एक अतिशय वरिष्ठ खेळाडू होता, ज्याचे नाव मी आता घेणार नाही. त्याने मला बोलावून बाल्कनीत लटकवले. मी त्याची मान धरली होती. जर मी माझे हात तिथे सोडले असते तर मला माहित नाही काय झाले असते कारण मी 15 व्या मजल्यावर होतो. परंतु तिथे असणाऱ्या लोकांनी प्रसंग अवधान राखत मला वाचवलं.''

करुण नायरसाठी पूजा जीवघेणी ठरली

करुण नायरने सांगितले की, ''एकदिवसीय क्रिकेटमध्ये पदार्पण केल्यानंतर, मी आपल्या आईचा नवस पूर्ण करण्यासाठी एका मंदिरात गेला होतो, जिथे मला नदी पार करुन जावे लागले. मी ज्या बोटीमध्ये बसलो होतो ती बोट अचानक उलटली. त्यावेळी खूप घाबरलो होतो. त्यावेळी मी जीव वाचवण्यासाठी देवाकडे प्रार्थना करत होता. परंतु तात्काळ दुसरी बोट आली आणि त्यांनी आम्हाला मदत केली. या प्रसंगानंतर मला जीवनाचा खरा अर्थ समजला.''