मुंबई : विश्वकरंडक क्रिकेट स्पर्धेच्या सुपर लीग क्रमवारीत विराट कोहलीचा भारतीय संघ अखेरच्या सहाव्या क्रमांकावर आहे. आयर्लंड तसेच झिम्बाब्वेने सध्या भारतास मागे टाकले आहे. षटकांची गती न राखल्यामुळे भारतास एका गुणाचा दंड करण्यात आला आहे. त्यामुळे भारत मागे पडला आहे.
या क्रमवारीत ऑस्ट्रेलिया सहा सामन्यांनंतर ४० गुणांसह पहिले आहेत, तर भारत ९ गुणांसह सहावा आहे. इंग्लंड ३० गुणांसह दुसरे, तर पाकिस्तान २० गुणांसह तिसरे आहेत. भारताप्रमाणेच पाकिस्तान, झिम्बाब्वे (१०), आयर्लंड (१०) हे प्रत्येकी तीन सामने खेळले आहेत.
आयर्लंड तसेच झिम्बाब्वे हे अनुक्रमे इंग्लंड आणि पाकिस्तानविरुद्धच्या मालिकेत भारताप्रमाणेच १-२ पराजित झाले. या सुपर लीगमध्ये विजयासाठी दहा गुण देण्यात येतात. मात्र भारताने षटकांची गती न राखल्याने भारतास एका गुणाचा दंड करण्यात आला. त्यामुळे भारताचे गुण नऊ झाले. झिम्बाब्वे, आयर्लंडपेक्षा सरस धावगती असूनही भारतास मागे जावे लागले. न्यूझीलंड, दक्षिण आफ्रिका, श्रीलंका, वेस्ट इंडीज, बांगलादेश एकही सामना न खेळल्याने सध्या त्यांना या क्रमवारीत स्थान नाही.
भारताचा थेट प्रवेश . भारतात २०२३ मध्ये होणाऱ्या विश्वकरंडक क्रिकेट स्पर्धेसाठी या सुपर लीग क्रमवारीतील अव्वल सात संघांना थेट प्रवेश असेल. यजमान असल्याने भारताचा प्रवेश निश्चित आहे.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.