Pak Vs Zim: पाकिस्तानचा लाजीरवाणा पराभव! एक धाव राखून झिम्बाब्वेने केले पराभूत

कर्णधार बाबर आझम या सामन्यात देखील अपयशी ठरला.
Pak Vs Zim
Pak Vs ZimDainik Gomantak

भारताकडून पराभवाचा सामना केल्यानंतर पाकिस्तानला झिम्बाब्वेकडून दुसरा झटका बसला आहे. झिम्बाब्वेविरूद्ध झालेल्या सामन्यात पाकिस्तानला लाजीरवाणा पराभव पत्कारावा लागला आहे. केवळ एका धावेने पाकिस्तानचा पराभव झाला आहे. यामुळे पाकिस्तानचे T20 विश्वचषक स्पर्धेतील आव्हान आणखी कठिण झाले आहे. झिम्बाब्वेने विजयासाठी दिलेले 131 धावांचे आव्हान पाकिस्तानला पूर्ण करता आले नाही.

Pak Vs Zim
हिट मॅनने रचला इतिहास, T20 World Cup मध्ये अशी कामगिरी करणारा ठरला पहिला भारतीय

झिम्बाब्वेने पहिल्यांदा फलंदाजी करत मर्यादीत वीस षटकांत 130 धावा केल्या. झिम्बाब्वेकडून सीन विल्यमसने सर्वाधिक 31 धावा केल्या. आठ गड्यांच्या बदल्यात झिम्बाब्वेला 130 धावांपर्यंत मजल मारता आली. पाकिस्तानकडून, मो. वसीने चार, शादाब खानने तीन आणि रौफने एक बळी घेतला.

झिम्बाब्वेने दिलेल्या 131 धावांचा सामना करण्यासाठी मैदानात उतरेलेल्या पाकिस्तान संघाची सुरूवात खराब झाली. कर्णधार बाबर आझम या सामन्यात देखील अपयशी ठरला. तो केवळ चार धावा करून बाद झाला. त्यानंतर शान मसूदने सर्वाधिक 44 धावा पाकिस्तानचा डाव सावरण्याचा प्रयत्न केला. पण, पाकिस्तानला विजय मिळवता आला नाही. अखेरच्या चेंडूत तीन धावा हव्या असताना, मारलेल्या फटक्यातून केवळ दोन धावा काढता आल्या आणि झिम्बाब्वेचा एक धाव राखून विजय झाला.

Pak Vs Zim
Salman खानच्या चाहत्यांसाठी खुशखबर; आजारातून झाला रिकव्हर, लवकरच...

दरम्यान, या पराभवामुळे पाकिस्तानचा T20 विश्वचषक स्पर्धेतील प्रवास कठिण झाला आहे. आगामी दक्षिण आफ्रिकेविरोधातील सामना पाकिस्तानसाठी करो या मरो असेल. त्यामुळे या सामन्यासाठी पाकिस्तान कशा पद्धतीने तयारी करतो हे पाहणं महत्वाच ठरणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com