महाराष्ट्र दिनी अजित पवारांनी केलं सीमावादावर वक्तव्य

1 मे 1960 रोजी महाराष्ट्र आणि गुजरात स्वतंत्र राज्ये म्हणून अस्तित्वात आली. पूर्वी दोन्ही राज्ये बॉम्बे प्रांताचा भाग होती.
महाराष्ट्र दिनी अजित पवारांनी केलं सीमावादावर वक्तव्य
Ajit Pawar made a statement on border dispute on Maharashtra Day 2022Dainik Gomantak

पुणे: महाराष्ट्राचे उपमुख्यमंत्री अजित पवार म्हणाले की, मराठी भाषिक गाव आपल्या राज्याचा भाग बनवण्यासाठी आपले सरकार लढा देत राहील. महाराष्ट्र दिनानिमित्त ते बोलत होते. आजच्या दिवशी म्हणजे 1 मे 1960 रोजी महाराष्ट्र आणि गुजरात स्वतंत्र राज्य म्हणून अस्तित्वात आले. पूर्वी दोन्ही राज्ये बॉम्बे प्रांताचा भाग होती. पुणे शहरातील शिवाजी नगर येथील पोलीस मुख्यालयात पवार यांच्या हस्ते ध्वजारोहण करण्यात आले.

(Ajit Pawar made a statement on border dispute on Maharashtra Day 2022)

Ajit Pawar made a statement on border dispute on Maharashtra Day 2022
राणा दाम्पत्याला जेल की बेल फैसला सोमवारी

ध्वजारोहण केल्यानंतर उपमुख्यमंत्री अजित पवार म्हणाले, "बेळगाव, निप्पाणी, कारवारसह राज्याच्या सीमेवरील अनेक मराठी भाषिक गावे अद्यापही आपल्या राज्याचा भाग होऊ शकली नाहीत, याची आम्हाला खंत आहे, आम्ही यापुढेही पाठिंबा देऊ, अशी ग्वाही देतो. या गावांतील लोकांचा महाराष्ट्राचा भाग व्हावा यासाठी आम्ही लढु.

काय आहे हा संपूर्ण वाद?

महाराष्ट्र सरकार बेळगाव, कारवार आणि निप्पाणीसह काही भाग स्वतःचा असल्याचा दावा करते. हे क्षेत्र कर्नाटकचा भाग आहेत. येथील बहुसंख्य लोक मराठी बोलतात. मात्र, कर्नाटकने नेहमीच महाराष्ट्राचे दावे फेटाळले असून हे प्रदेश राज्याचा अविभाज्य भाग असल्याचे म्हटले आहे. हा वाद राज्य पुनर्रचना कायदा 1956 मध्ये उद्भवल्याचे म्हटले जाते.

Ajit Pawar made a statement on border dispute on Maharashtra Day 2022
Maharashtra Din: महाराष्ट्रदिनी 125 कलाकारांनी गायल 1 महागीत

स्वतःचे दावे

या मुद्द्यावरून दोन्ही राज्यातील नेत्यांमध्ये अनेकदा शाब्दिक युद्धही होत असते. गेल्या वर्षी डिसेंबरमध्ये बेळगावमध्ये झालेल्या हिंसाचारानंतर कडक निर्बंध लागू करण्यात आले होते. महाराष्ट्रातील सत्ताधारी आघाडीच्या तीन मित्रपक्षांपैकी एक असलेल्या शिवसेनेने यापूर्वीही सीमावर्ती जिल्हा केंद्रशासित प्रदेश घोषित करण्याची मागणी केली आहे. मराठी भाषिकांवर अन्याय झाल्याचा आरोप शिवसेनेने केला आहे. पक्षाचे मुखपत्र असलेल्या सामनामध्ये गेल्या वर्षी 'अत्याचार थांबले नाहीत तर केंद्राने बेळगावला केंद्रशासित प्रदेश म्हणून घोषित करावे', असा लेख लिहिला होता.

पंतप्रधानांचे अभिनंदन

दरम्यान, पंतप्रधान नरेंद्र मोदी यांनी रविवारी महाराष्ट्र आणि गुजरातच्या स्थापना दिनानिमित्त दोन्ही राज्यातील जनतेला शुभेच्छा दिल्या. त्यांनी महाराष्ट्रातील लोकांच्या समृद्धीसाठी आणि गुजरातच्या प्रगतीसाठी शुभेच्छा दिल्या. ट्विटमध्ये पंतप्रधान म्हणाले की, "राज्यातील जनतेला महाराष्ट्र दिनाच्या अनेक शुभेच्छा. देशाच्या प्रगतीत या राज्याचे अतुलनीय योगदान आहे. महाराष्ट्रातील जनतेने विविध क्षेत्रात आपले कर्तृत्व दाखवून दिले आहे. मी राज्यातील जनतेला समृद्धीची शुभेच्छा देतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.