Sanjay Raut: महाराष्ट्राच्या राजकारणात सातत्याने आरोप -प्रत्यारोप सुरु असतात. अशाच एका आरोपावरुन शिवसेना खासदार संजय राऊत यांच्या अडचणीत वाढ झाली आहे. संजय राऊत यांच्या विरोधात अजामीनपत्र वॉरंट जारी करण्यात आले आहे.
काही दिवसापुर्वी संजय राऊत यांनी शंभर कोटी रुपयांच्या शौचालय घोटाळ्याचा आरोप सोमय्या किरीट यांच्यावर केला होता. यावरून सोमय्या यांच्या पत्नी मेधा यांनी राऊत यांच्याविरोधात शिवडी कोर्टात मानहानीचा दावा केला आहे. याप्रकरणाच्या सुनावणीला संजय राऊत न्यायालयात सुनावणीसाठी हजर होऊ शकले नाहीत.
त्यामुळे त्यांना जबाब नोंदवण्यासाठी हजर करण्याचे आदेश ईडीला द्यावेत,अशी मागणी मेधा सोमय्या यांनी न्यायालयाकडे केली आहे. दरम्यान, संजय राऊतांनी मीरा भाईंदर महापालिका आणि राज्यात श्रामती सोमय्या आणि त्यांच्या कुटुंबाने युवा प्रतिष्ठानच्या माध्यमातून १०० कोटींचा टॉयलेट घोटाळा केला असल्याचा दावा राऊतांनी केला आहे.
दोन दिवसांपूर्वी, भाजप( BJP ) नेते नारायण राणे यांनी संजय राऊत( Sanjay Raut ) यांना पुन्हा जेलवारी घडवणार असल्याचे वक्तव्य केले होते.अशातच आज राऊतांविरोधात अजामीनपत्र वॉरंट जारी करण्यात आल्याने राजकीय वर्तुळात चर्चेला उधाण आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
