महाराष्ट्र सरकारचा हॉटेल्स,दुकानांच्या परवानगीबाबत मोठा निर्णय

हॉटेल्स (Hotels), रेस्टॉरंट्स (Restaurants) आणि दुकानांच्या वेळा वाढवण्यासाठी ग्रीन सिग्नल (Green signal) देण्यात आला आहे. या तारखेपासून मनोरंजन पार्क सुरू करण्यास परवानगी देण्यात येणार आहे.
मुख्यमंत्री उद्धव ठाकरे
मुख्यमंत्री उद्धव ठाकरेDainik Gomantak

महाराष्ट्रातील कोरोना (Covid 19) संसर्ग कमी झाल्यानंतर आता लॉकडाऊन निर्बंधांवर शिथिलता मोठ्या प्रमाणात जाहीर करण्यात आली आहे. हॉटेल्स, रेस्टॉरंट्स आणि दुकानांच्या वेळा वाढवण्यासाठी ग्रीन सिग्नल देण्यात आला आहे. 22 ऑक्टोबरपासून मनोरंजन पार्क सुरू करण्यास परवानगी देण्यात आली आहे. मुख्यमंत्री उद्धव ठाकरे यांनी आज 18 ऑक्टोबर रोजी, कोरोना टास्क फोर्ससोबत (Task Force) एक महत्त्वपूर्ण बैठक घेतली. या बैठकीत सल्लामसलत केल्यानंतर मुख्यमंत्र्यांनी हा निर्णय घेतला आहे.

सध्या मनोरंजन (Entertainment) उद्यानाबाबत निर्णय घेण्यात आला आहे की मोकळ्या जागेत राईड सुरू होतील. पाण्याच्या राईडचा निर्णय नंतर घेतला जाईल. मुख्यमंत्री उद्धव ठाकरे कोरोना टास्क फोर्ससोबतच्या बैठकीचे अध्यक्ष होते. या बैठकीला लहान मुलांच्या डॉक्टरांची (Doctors) टास्क फोर्सही उपस्थित होती.

मुख्यमंत्री उद्धव ठाकरे
मी पोलीस होणार...

निर्बंधांमध्ये शिथिलता जाहीर

कोरोना व्यतिरिक्त डेंग्यू,(Dengue) चिकनगुनिया सारख्या आजारांचा प्रादुर्भाव वाढला आहे. हे पाहता, मुख्यमंत्र्यांनी बैठकीत निर्देश दिले की या आजारांच्या उपचारासाठी रुग्णालयांमध्ये संपूर्ण तयारी ठेवावी. मुख्यमंत्री म्हणाले की, 'ही चांगली गोष्ट आहे की निर्बंध शिथिल असूनही कोरोना संसर्ग कमी होत आहे. 22 ऑक्टोबरपासून चित्रपटगृहे (Theaters) सुरू होत आहेत. हॉटेल्स, रेस्टॉरंट्स आणि दुकानांच्या वेळा वाढवण्याची सतत मागणी केली जाते. त्यामुळे या संदर्भात मार्गदर्शक तत्वे बनवण्याच्या सूचनाही देण्यात आल्या आहेत.

मुलांच्या लसीकरणाबाबत:

मुख्यमंत्री उद्धव ठाकरे यांनीही सार्वजनिक आरोग्य विभागाला (Department of Health) लहान मुलांच्या लसीकरणाबाबत महत्त्वाच्या सूचना दिल्या. मुख्यमंत्री ठाकरे यांनी केंद्राच्या संपर्कात राहण्यास सांगितले आणि यासंदर्भात निर्णय होताच मुलांच्या लसीकरणासाठी संपूर्ण तयारी ठेवण्याच्या सूचना दिल्या.

मुख्यमंत्री उद्धव ठाकरे
मुंबई-गोवा महामार्गावर अपघात वाढतायत; जबाबदार कोण?

तिसऱ्या लाटेची भीती कायम आहे:

मुख्यमंत्री उद्धव ठाकरे यांनी या बैठकीत आरोग्य विभागाला निर्देश दिले की, 'कोरोनाची दुसरी लाट कमी झाली आहे पण तिसऱ्या लाटेची शक्यता कायम आहे. त्यामुळे कोरोनाशी संबंधित नियमांचे पालन करताना कोणतीही शिथिलता नसावी जसे नियमितपणे मास्क घालणे, सामाजिक अंतर पाळणे, वारंवार हात धुणे. या प्रकरणाबाबत लोकांमध्ये जागरूकता वाढली आहे. '

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com