काश्मिरी पंडितांच्या दु:खावर भाजपाने राजकीय पोळ्या भाजल्या - सचिन सावंत

काश्मीरी पंडितांचे प्रश्न आज ही कायम असल्याचं केलं भाष्य
काश्मिरी पंडितांच्या दु:खावर भाजपाने राजकीय पोळ्या भाजल्या - सचिन सावंत
Sachin SawantDainik Gomantak

काश्मिरी पंडितांच्या दु:खावर भाजपाने केवळ राजकीय पोळ्या भाजल्या आहे. ‘काश्मीर फाईल्स’सारखा चित्रपट प्रदर्शित करत अंकीत मिडियाचा वापर केला जात आहे. यामुळे देशभर मुस्लीम द्वेष पसरवला जात आहे. तर राहुल भट या काश्मीरी पंडित तरुणाच्या हत्येसोबत लाखो काश्मिरी पंडितांच्या आशा, आकांक्षा आणि स्वप्नांची चिताही रचली गेली आहे. असे मत महाराष्ट्र प्रदेश काँग्रेस कमिटीचे सरचिटणीस सचिन सावंत यांनी व्यक्त केले. ( BJP burns political beehive over Kashmiri Pandits' pain - Sachin Sawant)

Sachin Sawant
'गोव्यातील खाण कामगारांना वाऱ्यावर सोडू नका'

'काश्मीर फाईल्स' या चित्रपटातून निर्मात्यांनी २५० कोटींपेक्षा जास्त कमावले पण काश्मीरी पंडितांचे हात मात्र रितेच राहीले. आज काश्मीरमध्ये जे सुरु आहे. ती कोणत्या चित्रपटाची कथा नसून वास्तविकता आहे. हे चित्रपटाचे प्रमोशन करणाऱ्या पंतप्रधान मोदी व भाजपाने लक्षात घ्यावे.” असंही सचिन सावंत यांनी म्हटलं आहे.

Sachin Sawant
खाण कामगारांच्या हितासाठी गोवा खनिज विकास महामंडळ आवश्यक - ख्रिस्तोफर फोन्सेका

तर काश्मिरी पंडितांबद्दल भारतीय जनता पार्टीला काहीही देणेघेणे नसून त्यांच्याबद्दलचा कळवळा हा केवळ देखावा होता असं ही ते म्हणाले.“भाजपा समर्थित व्हि. पी. सिंह सरकारच्या काळात काश्मिरी पंडितांचे स्थलांतर झाले त्यावेळी भाजपाचेच के. जगमोहन हे राज्यपाल होते. याच काळात काश्मिरी पंडितांच्या हत्या झाल्या व पलायनास मजबूर केले गेले. तरीही काश्मिरी पंडितांचे दुःख व कलम ३७० चे भांडवल सातत्याने भाजपा करत राहिली.

२०१९ ला ३७० कलम हटवताना काश्मीरमधील दहशतवाद संपेल व पंडितांची घरवापसी होईल असे आश्वासन दिले पण मोदी सरकारच्या काळात दहशतवाद संपलेला नाही तर पूर्वीपेक्षा अधिक वाढला आहे.” असं त्यांनी स्पष्ट केलं. त्यामुळे भाजप याला कसे उत्तर देणार हे पाहणे महत्त्वाचे ठरणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.