''भाजप बुजगावण्यांना पुढे करत देशाच्या ज्वलंत प्रश्नांवरुन लक्ष्य हटवते आहे''

उद्या अनुचित घडला तर पोलिस ठोस कारवाई करतील - जयंत पाटील
''भाजप बुजगावण्यांना पुढे करत देशाच्या ज्वलंत प्रश्नांवरुन लक्ष्य हटवते आहे''
jayant patilDainik Gomantak

राज ठाकरे यांनी औरंगाबाद येथे घेतलेल्या सभेत पुन्हा भोंगा आणि हनुमान चीलीसा मुद्यावरुन पुन्हा एकदा राज्य सरकारला सुनावलं होतं. या पार्श्वभूमीवर पोलिसांनी खबरदारी म्हणून प्रतिबंधात्मक कारवाई सुरु केली आहे. या पार्श्वभूमीवर राज ठाकरे यांच्यावर महाविकास आघाडीचे नेते कडाडून टीका करत आहेत. तर राज ठाकरे ही याला प्रतिउत्तर देत आहेत. (BJP is targeting the burning issues of the country)

jayant patil
परराज्यातील लोक महाराष्ट्रातील कायदा-सुव्यवस्था बिघडवू शकतात - गुप्तचर विभाग

या सगळ्यात सामान्य जनतेचे प्रश्न दुर फेकले गेले असले तरी राज्याचे जलसंपदा मंत्री तथा राष्ट्रवादी काँग्रेसचे प्रदेशाध्यक्ष जयंत पाटील यांनी भाजप काही बुजवाण्यांना पुढे करुन देशातील ज्वलंत प्रश्नांवरुन लक्ष्य हटवण्याचा प्रयत्न करत आहे. जनतेची नाराजी उफाळून येऊ नये यासाठी हे राजकीय भोंगे वाजवण्यात येत आहेत असे ते म्हणालेत.

jayant patil
मनसेसह हिंदू दलाच्या कार्यकर्त्यांना तात्काळ मुंबई सोडण्याचे आदेश

राज ठाकरेंवर प्रक्षोभक वक्तव्य केल्याप्रकरणी औरंगाबादेत गुन्हा दाखल करण्यात आला आहे. त्यानंतरही ​​​​​राज ठाकरे यांची आक्रमक भूमिका कायम असल्याने जयंत पाटील यांनी त्यांना फटकारले आहे. या प्रकरणी त्यांनी राज यांचे नाव न घेता त्यांना बुजगावण्याची उमपा दिली आहे.

राज्यातील तरुणांचे करिअर खराब करण्याचे काम कोणीही करु नये. घोषणा देणारे, चिथावणी देणारे आपली कामे करत असतात. परंतू तरुण रस्त्यावर उतरुन आपले करिअर खराब करतात. त्यामुळे कोणीही अशा चिथावणीला बळी पडू नये असा सल्ला जयंत पाटील यांनी तरूणांना दिला आहे. दरम्यान बोलत असताना जयंत पाटील यांनी सर्वोच्च न्यायालयाच्या आदेशाप्रमाणे डेसिबलची मर्यादा न पाळणाऱ्या भोंग्यांवर कारवाई नियमाप्रमाणे केली जाईल असेही स्पष्ट केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.