Maharashtra: कोण आहेत राहुल नार्वेकर? विधानसभा सभापती पदासाठी भरला अर्ज

महाराष्ट्र भाजपचे आमदार राहुल नार्वेकर यांनी शुक्रवारी विधानसभेच्या नवीन सभापती पदासाठी उमेदवार म्हणून अर्ज दाखल केला आहे.
Rahul Narvekar
Rahul NarvekarDainik Gomantak

Maharashtra Politics: महाराष्ट्र भाजपचे आमदार राहुल नार्वेकर (Rahul Narvekar) यांनी शुक्रवारी विधानसभेच्या नवीन सभापती पदासाठी उमेदवार म्हणून अर्ज दाखल केला आहे. रविवारी सभापतीपदासाठी मतदान होणार आहे. गेल्या वर्षी काँग्रेस नेते नाना पटोले यांनी राजीनामा दिल्यानंतर सभापती पद रिक्त झाले होते. उपसभापती नरहरी झिरवाळ हे काळजीवाहू सभापती म्हणून काम पाहत होते. नार्वेकर यांचा शिवसेना आणि राष्ट्रवादीशी जवळचा संबंध आहे. नार्वेकर हे राष्ट्रवादीचे ज्येष्ठ नेते रामराजे नाईक निबांळकर यांचे जावई आहेत, जे सध्या महाराष्ट्र विधान परिषदेचे विद्यमान अध्यक्ष आहेत. (bjp mla rahul narvekar link with shiv sena and ncp who will be the new speaker of maharashtra)

दरम्यान, राहुल नार्वेकर हे मुंबईतील कुलाबा मतदारसंघातील भाजपचे (BJP) विद्यमान आमदार आहेत. ते यापूर्वी शिवसेना (Shiv Sena) आणि राष्ट्रवादी काँग्रेसशी (NCP) संबंधित होते. चला तर मग जाणून घेऊया राहुल नार्वेकर यांच्याबद्दल...

Rahul Narvekar
Maharashtra Politics : महाराष्ट्र विधानसभा अधिवेशनाच्या तारखेत बदल

राष्ट्रवादीचे नेते रामराजे नाईक यांचे जावई

राहुल नार्वेकर यांचा जन्म दक्षिण मुंबईतील कुलाबा परिसरात झाला. त्यांचे बंधू मकरंद कुलाब्यातून नगरसेवक आहेत. नार्वेकर हे राष्ट्रवादीचे ज्येष्ठ नेते रामराजे नाईक-निंबाळकर यांचे जावई आहेत, जे राष्ट्रवादीचे आमदार आणि महाराष्ट्र विधान परिषदेचे सभापती आहेत.

शिवसेनेचे युवा प्रवक्ते

राहुल नार्वेकर हे सुरुवातीच्या काळात शिवसेनेच्या युवा शाखेचे प्रवक्ते होते. 2014 मध्ये त्यांनी पक्ष सोडला आणि राष्ट्रवादीत प्रवेश केला. पक्षातील वरिष्ठ पदाधिकाऱ्यांमुळे आपल्याला शिवसेना सोडावी लागली, असा दावा नार्वेकर यांनी केला. राहुल नार्वेकर यांनी 2014 ची लोकसभा निवडणूक मावळ मतदारसंघातून निवडणूक लढवली होती, त्यात त्यांचा शिवसेनेच्या श्रीरंग आप्पा बारणे यांच्याकडून पराभव झाला होता.

Rahul Narvekar
Maharashtra Politics: महाराष्ट्राचे मुख्यमंत्री एकनाथ शिंदे उद्या गोवा दौऱ्यावर

2019 मध्ये भाजपमध्ये प्रवेश केला

2019 च्या महाराष्ट्र विधानसभा निवडणुकीपूर्वी नार्वेकर यांनी कुलाबा येथून भाजपमध्ये प्रवेश केला होता. कुलाब्यातून त्यांनी काँग्रेसचे अशोक जगताप यांचा पराभव करुन विधानसभा निवडणूक जिंकली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com