राणा दाम्पत्यावर नवीन संकट, बेकायदा बांधकामाची बीएमसी करणार चौकशी

शिवसेना जाणीवपूर्वक कारवाई करत असल्याचा आरोप
bmc notice to navnit rana and her husband ravi rana on illegal flat construction
bmc notice to navnit rana and her husband ravi rana on illegal flat constructionDainik Gomantak

खासदार नवनीत राणा आणि त्यांचे पती आमदार रवी राणा यांचा त्रास कमी होण्याचे नाव घेत नाहीये. देशद्रोहाच्या खटल्याचा सामना करत असलेले राणा दाम्पत्य अद्याप तुरुंगात असून त्यांना बीएमसीने नोटीस दिली आहे. त्यांच्या खारच्या फ्लॅटबाहेर एक नोटीस चिकटवण्यात आली आहे. बीएमसी या फ्लॅटची पाहणी करेल, असे या नोटीसमध्ये लिहिले आहे. यासोबतच त्यात बेकायदा बांधकामे असल्याचीही चर्चा आहे. राणा दाम्पत्य गेल्या 11 दिवसांपासून तुरुंगात आहे. (BMC Notice To Rana Couple)

त्याचवेळी खासदार आणि आमदाराच्या जवळच्या लोकांनी हे सूडाचे कृत्य असल्याचा आरोप केला आहे. हनुमान चालिसा पठण करण्याच्या हट्टीपणामुळे शिवसेना जाणीवपूर्वक ही कारवाई करत असल्याचे या लोकांनी म्हटले आहे. मुंबई महानगरपालिका अधिनियम 1888 च्या कलम 488 अन्वये ही नोटीस चिकटवण्यात आली आहे. राणा दाम्पत्याच्या घरात बेकायदा बांधकाम करण्यात आल्याचे सांगण्यात आले असून, यासंदर्भात चौकशी करण्यासाठी त्यांच्या फ्लॅटबाहेर ही नोटीस चिकटवण्यात आली आहे.

bmc notice to navnit rana and her husband ravi rana on illegal flat construction
राज ठाकरेंनी मशिदींसमोर हनुमान चालीसा वाचण्याचा प्लॅन केला रद्द, कारण...

राणा दाम्पत्याला जामीन मिळाला नाही

देशद्रोहाच्या आरोपाखाली तुरुंगात असलेल्या राणा दाम्पत्याला सोमवारी मुंबई सत्र न्यायालयातून जामीन मिळू शकला नाही. मात्र, कनिष्ठ न्यायालयाने निकाल राखून ठेवला आहे. त्यामुळे निर्णय होऊ शकला नाही. मंगळवारी ईदची सुट्टी असल्याने आता निर्णय 4 मे रोजीच येणार आहे.

आतापर्यंत काय झाले

नवनीत राणा आणि रवी राणा यांना 23 एप्रिल रोजी महाराष्ट्राचे मुख्यमंत्री उद्धव ठाकरे यांच्या खाजगी निवासस्थान असलेल्या 'मातोश्री'बाहेर हनुमान चालीसाचे पठण करण्याची घोषणा केल्यानंतर अटक करण्यात आली होती. त्यांच्या या घोषणेनंतर मोठा वाद निर्माण झाला होता. पोलिसांनी दोघांविरुद्ध देशद्रोह आणि "वेगवेगळ्या गटांमध्ये द्वेष पसरवण्याच्या" आरोपाखाली गुन्हा दाखल केला आहे. अटकेनंतर त्यांनी जामीन अर्ज दाखल केला होता. शनिवारी, फिर्यादी आणि बचाव पक्ष दोघांनीही युक्तिवाद पूर्ण केला, त्यानंतर विशेष न्यायाधीश आर.एन. रोकडे यांनी सोमवारचा आदेश राखून ठेवला होता.

महाराष्ट्राच्या अमरावती लोकसभा मतदारसंघातील खासदार नवनीत राणा भायखळा तुरुंगात तर त्यांचे पती नवी मुंबईच्या शेजारच्या तळोजा तुरुंगात आहेत. रवी राणा हे आमदार आहेत

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com