Uber ला ग्राहक न्यायालयाचा दणका; फ्लाईट चुकलेल्या महिलेला 20 हजार रूपये देण्याचे आदेश

न्यायालयाने उबर कंपनीवर सेवा बजावण्यात अपयशी ठरल्याचा ठपका ठेवत, वीस हजार रूपयांचा दंड ठोठावला आहे.
Uber
UberDainik Gomantak

उबर या कॅब सेवा (Uber Cab Service) पुरवणाऱ्या कंपनीला ग्राहक न्यायालयाने दणका दिला आहे. सेवा पुरवण्यात अपयशी ठरल्याचा ठपका ग्राहक न्यायालयाने कंपनीवर ठेवला आहे. बुक केलेली कॅब वेळेत न आल्याने मुंबईतील महिलेची फ्लाईट (Flight) चुकली, त्यानंतर महिलेने ग्राहक न्यायालयात धाव घेतली. या खटल्यावर निकाल देताना न्यायालयाने उबर कंपनीला दोषी ठरवले आहे.

Uber
MLA Nitesh Rane यांनी शेअर केली छत्रपती शिवाजी महाराज यांचा फोटो असलेली नोट, म्हणाले...

कविता शर्मा या पेशाने वकिल असलेल्या डोंबिवली येथील महिला मुंबई येथून चेन्नईला जाणार होत्या. 12 जून 2018 रोजी सायंकाळी 05:50 रोजी त्यांची चेन्नईसाठी फ्लाईट होती. शर्मा यांना राहत्या घरापासून सुमारे 36 किमीचा प्रवास करून छत्रपती शिवाजी महाराज आंतरराष्ट्रीय विमानतळ येथे जावे लागणार होते. त्यासाठी त्यांनी 3:29 वाजता उबरची कॅब बुक केली. कॅब चालकाला वारंवार फोन केल्यानंतर 14 मिनिटाचा उशीर करून चालक ठिकाणार पोहचला. तसेच, कॅब चालकाने इतर कारणे देत आणखी 15 ते 20 मिनिटाचा उशीर केला.

सायंकाळी पाच वाजता पोहचणारी कॅब 5:23 वाजता विमानतळावर पोहचली. झालेल्या विलंबामुळे महिलेची फ्लाईट चुकली. तसेच, उबरने महिलेकडून, 703 रूपये घेतले मात्र, कॅब बुक केली त्यावेळेला 563 रूपये दाखवत होते. असे कविता शर्मा यांनी दाखल केलेल्या तक्रारीत म्हटले आहे. दरम्यान, झालेल्या विलंबामुळे शर्मा यांची फ्लाईट चुकली व शर्मा यांनी दुसरे तिकिट काढून प्रवास केला. शर्मा यांनी कंपनीकडे तक्रार केल्यानंतर कपंनी 139 रूपयांचा रिफंड केला. त्यानंतर शर्मा यांनी उबरला कायदेशीर नोटीस बजावली, ज्याचे कंपनीने उत्तर दिले नाही.

Uber
Mumbai News: गिरगावमधील पुंगालिया हाऊस कंपाऊंडमध्ये भीषण आग, 6 कारबरोबर आठ दुचाकी जळून खाक

कविता शर्मा यांनी ठाण्याती ग्राहक न्यायालयात धाव घेतली. न्यायालयाने उबर कंपनीवर सेवा बजावण्यात अपयशी ठरल्याचा ठपका ठेवत, वीस हजार रूपयांचा दंड ठोठावला आहे. यात दहा हजार रूपये शर्मा यांना झालेल्या मानसिक त्रास आणि उरलेले दहा हजार रूपये शर्मा यांच्या खटल्याचा खर्च देण्यास सांगितले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com