Devendra Fadnavis Sabha: मुख्यमंत्री उद्धव ठाकरेंच्या महासभेला देवेंद्र फडणवीसांचा 'करारा' जबाब

मुख्यमंत्री उद्धव ठाकरे यांच्या काल झालेल्या सभेनंतर फडणवीसांची "उत्तरसभा' आज मुंबईत पार पडली.
Devendra Fadnavis
Devendra FadnavisDainik Gomantak

शिवसेनेच्या 14 मे रोजीच्या सभेनंतर आज 15 मे रोजी मुंबईत भाजपची उत्तर सभा पार पडली. यावेळी उत्तर भारतीय युवा मोर्चाच्या वतीने या उत्तर सभेचे आयोजन करण्यात आले आहे. गोरेगावच्या नेस्को सेंटरमध्ये ही सभा आयोजित करण्यात आली आहे. 1 मे महाराष्ट्र दिनानिमित्त मुंबईत भाजपने बुस्टर सभा घेतली होती. आज पुन्हा एकदा विरोधी पक्षनेते देवेंद्र फडणवीस (Devendra Fadnavis ) यांची तोफ धडाडणार आहे. आज पुन्हा एकदा विरोधी पक्षनेते देवेंद्र फडणवीस यांची तोफ धडाडणार आहे. मुख्यमंत्री उद्धव ठाकरे यांनी केलेल्या टीकेला देवेंद्र फडणवीसांनी करारा जबाब दिला आहे. (BJP Leader Devendra Fadnavis Sabha News)

Devendra Fadnavis
बीड जिल्ह्यात पाणी टंचाई; योजना कागदावरच

छत्रपती शिवाजी महाराजांनी वंदन करून फडणवीसांनी भाषणाला सुरूवात केली. तसेच भाषणाला सुरुवात करताच फडणवीसांनी ठाकरे सरकारवर निशाना साधत म्हटले की, 'काल कौरवांची सभा झाली आणि पांडवांची सभा होत आहे. तर कालची उद्धव ठाकरेंची सभा ही लाफ्टर सभा झाली, आणि कालची लाफ्टर सभा अजून संपलीच नाही'. दाऊदचे मित्र आजही मंत्रीमंडळात आहेत, आणि कालच्या भाषणात नवे मुद्दे येतील अशी आम्हाला आशा होती परंतु शेवटपर्यंतती लाफ्टर सभाच होती. बाळासाहेब ठाकरेंच्या मुलाच्या राज्यात हनुमान चालीसा पठण करणे हा राजद्रोह आणि औरंगजेबाच्या कबरीवर माथा टेकवणे हा राजशिष्टाचार आहे का? संभाजीराजेंची हत्या करणाऱ्या औरंगजेबाच्या समाधीवर ओवैसी माथा टेकवण्यासाठी गेला होता' असंही यावेळी फडणवीस म्हणाले.

रामजन्मभूमीच्या आंदोलनात तुम्ही नव्हता हे म्हटलं तर तुम्हांला मिरची लागली. उद्धवजी 1992 साली नगरसेवक झाले. जुलैमध्ये वकिल झालो आणि डिसेंबरला नगरसेवक म्हणून मी बाबरी पडण्यासाठी गेलो होतो, याचा मला अभिमान आहे. आज माझे आज वजन 102 किलो आहे, आणि बाबरीवेळी माझे वजन 128 किलो एवढे होते. माझ्या पाठीत खंजीर खुपसून तुम्ही माझे वजन कमी करू शकणार नाही.

Devendra Fadnavis
केतकी चितळेच्या पोस्टवरुवन देहू संस्थान आक्रमक

तुमच्या सत्तेच्या ढाच्याला पाडून पुन्हा सत्तेत येणार आहे. तसेच बाळासाहेब ठाकरे वाघ होतेच पण सध्या या देशात सध्या एकच वाघ आहे तो म्हणजे पंतप्रधान नरेंद्र मोदी. बोलायला काही मुद्दे नसले, तर मुंबईला तोडण्याचा मुद्दा शिवसेना नेहमी काढत असते. मुंबईला महाराष्ट्रापासून कोणाचा बापही वेगळी करू शकणार नाही. मुंबई आम्हाला महाराष्ट्रातून नाही तर भ्रष्टाचारापासून वेगळी करायची आहे, मुंबई आणि महाराष्ट्राचा एकच बाप आहे आणि ते म्हणजे छत्रपती शिवाजी महाराज असं देवेंद्र फडणवीस यावेळी म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com