Ratnagiri Cylinder Blast: रत्नागिरीत सिलेंडरचा भीषण स्फोट; एकाचा मृत्यू

Ratnagiri Cylinder Blast news: ही घटना आज सकाळी झाली असून यात एका नगरिकाचा मृत्यू झाला आहे.
Ratnagiri Cylinder Blast
Ratnagiri Cylinder BlastDainik Gomantak

Ratnagiri Cylinder Blast: रत्नागिरीत आज सकाळी 5 च्या सुमारास गॅस सिलेंडरचा मोठा स्फोट झाला आहे. येथील शिरगाव ग्रामपंचायत हद्दीत शेट्ये नगर येथील एका दुमजली इमारतीत पहिल्या मजल्यावर पहाटेच्या सुमारास सिलेंडरचा भीषण स्फोट झाला.

स्फोट एवढा मोठा होता की घराच्या भिंती कोसळल्या. या घटनेत एकाचा मृत्यू झाल्याची माहिती मिळत आहे. या घरात चौघे जण अडकले असल्याची माहिती असून यातील दोघांना बाहेर काढण्यात आले आहे. इतर दोघांना बाहेर काढण्याचे प्रयत्न सुरू आहे.

शेट्ये नगर येथे राहणारे अश्फाक काझी यांच्या घरात सिलेंडर स्फोट होऊन ही आग लागली आहे. आतापर्यंत तीन लोकांना जिल्हा रुग्णालयात दाखल करण्यात आले आहे.

स्फोटाची माहिती मिळताच तीन रुग्णवाहिका आणि पोलीस पथक तसेच अग्निशामक दलाचे कर्मचारी मदतीसाठी घटनास्थळी पोहचले आहेत.

Ratnagiri Cylinder Blast
Egg Shortage In Maharashtra: महाराष्ट्रावर 'अंडी' संकट, दररोज एक कोटी अंड्यांचा तुटवडा

पोलिसांनी दिलेल्या महितीनुसार अश्फाक काझी हे रिक्षा चालक आहेत. ते पहाटे घरी आल्याने त्यांनी घरातील लाइट लावताच हा भीषण स्फोट झाला.

तब्बल दोन किलोमीटरच्या परिसरात या स्फोटाचा आवाज ऐकू गेला. स्फोट इतका भीषण होता की आजुबाजूच्या घरांवरच्या काचा फुटल्या असून यामुळे काही नागरिक जखमी झाले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com