Khashaba Dadasaheb: गूगलने खास डूडल शेअर करत कुस्तीगीर खाशाबा जाधव यांची 97 वी साजरी केली जयंती

गूगलनं खास डूडल तयार करुन त्यांना अभिवादन केलं आहे.
Khashaba Dadasaheb
Khashaba DadasahebDainik Gomantak

सर्च इंजिन गूगलनं नुकतेच एक खास डूडल तयार केले आहे. कुस्तीगीर खाशाबा जाधव यांची आज 97 वी जयंती आहे. यानिमित्तानं गूगलनं खास डूडल तयार करुन त्यांना अभिवादन केलं आहे. गूगलच्या या खास डूडलनं अनेकांचे लक्ष वेधले.

खाशाबा जाधव यांचा जन्म 15 जानेवारी 1926 रोजी महाराष्ट्र (Maharashtra) राज्यातील सातारा जिल्ह्यामध्ये कराड तालुक्यातील गोळेश्वर खेड्यात झाला. खाशाबा जाधव यांनी त्यांच्या कुस्ती क्षेत्रातील कामगिरीने भारताचे नाव जगभरात उंचवले.

खाशाबा यांचे वडील दादासाहेब जाधव हे ख्यातनाम पैलवान होते. केडी आणि पॉकेट डायनामो या टोपणनावाने देखील खाशाबा जाधव ओळखले जात होते. त्यांच्या 97व्या जयंतीनिमित्त गूगलने (Google) खास डूडल तयार केले आहे. गूगलच्या या डूडलमध्ये कुस्तीचा आखाडा दिसत आहे. तसेच खाशाबा जाधव यांचे चित्र देखील या डूडलमध्ये दिसत आहे.

Khashaba Dadasaheb
Maharashtra Kesari 2023: शिवराज राक्षे ठरला महाराष्ट्र केसरीचा विजेता, महेंद्र गायकवाड पराभूत

1948 मध्ये जेव्हा लंडन ऑलिंपिकसाठी फ्लायवेट गटासाठी खाशाबांची निवड झाली तेव्हा ते सहाव्या क्रमांकावर होते. या क्रमांकापर्यंत पोहचणारे भारत देशातील ते एकमेव खेळाडू होते. 1952 साली हेलसिंकी ऑलिम्पिकमध्ये त्यांनी फ्रीस्टाइल कुस्तीत जिंकलेलं कांस्यपदक हे भारताला (India) स्वातंत्र्योत्तर काळात मिळालेलं पहिलं वैयक्तिक पदक होतं.

1948 मध्ये लंडन ऑलिम्पिकमध्ये फ्लायवेट वजन गटातील कुस्तीत सहावा क्रमांक मिळवला होता. 2001 मध्ये त्यांना मरणोत्तर अर्जुन पुरस्काराने (Award) सन्मानित करण्यात आलं. 1984 मध्ये एका अपघातात खाशाबा जाधव यांचे निधन झाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com