नातवाच्या पसंतीला आजीने दिला नकार म्हणून काढला आजीचाच काटा

आजी वारंवार मुलींना नकार देत असल्याने संतापलेल्या नातवाने आजीला काठीने बेदम मारहाण केली
Crime News in Maharashtra
Crime News in Maharashtra Dainik Gomantak

महाराष्ट्रातील सोलापूरमध्ये एका 25 वर्षीय मुलाने आपल्या आजीची हत्या केली. आजीने नातवाला लग्नासाठी कर्नाटकाहून सोलापूरला बोलावले होते. मुलाच्या आजीने वारंवार मुलींची स्थळे नाकारल्याने नातवाने आजीला बेदम मारहाण केल्याची धक्कादायक घटना समोर आली आहे. (Maharashtra Crime)

Crime News in Maharashtra
महिलांवर हात उचलणाऱ्यांचा हात खांद्यापासून वेगळा करेन : सुप्रिया सुळेंचा आक्रमक इशारा

आरोपीने पोलिसांसमोर दिली गुन्ह्याची कबुली

घटना सोलापूरच्या जोडभावी पेठेतील आदर्श सोसायटीची आहे. नातवाला लवकरात लवकर लग्न करायचे होते, पण त्याची आजी आलेल्या मुलींची स्थळे वारंवार नाकारत होती.आणि यामुळे मुलाच्या लग्नाच्या मार्गात अडथळा ठरत होती, म्हणून त्याने आजीला आपल्या मार्गातूनच दूर केले. ही घटना ज्याने ऐकली तो थक्कच झाला आहे. या घटनेनंतर 25 वर्षीय आरोपीला पोलिसांनी अटक केली.आणि त्याच्यावर गुन्हा दाखल करण्यात आला आहे. चौकशीत आरोपीने गुन्ह्याची कबुली दिल्याने पोलिसांनी त्याच्यावर त्वरीत FIR दाखल करून त्याच्यावर कारवाई करण्यास सुरवात केली.

Crime News in Maharashtra
केतकी चितळेचा जामीन अर्ज फेटाळला, 14 दिवसांची न्यायालयीन कोठडी

नातवाच्या पसंतीला आजीचा नकार

तपासात समोर आलेल्या माहितीनुसार, आदर्श नगरमध्ये राहणारी मृत मलनबी हसन नदाफ हिने तिचा नातू सलीम नदाफला कर्नाटकातून लग्नासाठी घरी बोलावले होते. नदाफसाठी आलेल्या नात्यांपैकी नदाफला काही मुलीही आवडल्या होत्या, पण आजीने ती सर्व नाती नाकारली. सलीमला वाटले की त्याची आजी त्याला लग्न करू देणार नाही. त्यामुळे संतापलेल्या नदाफने सोमवारी आजीला गाठले आणि तिच्याशी हुज्जत घालण्यास सुरुवात केली. प्रकरण इतके वाढले की त्याने आजीवर काठीने हल्ला केला. तो मरेपर्यंत आजीला मारत राहिला. मला कर्नाटकातून इथे का बोलावलंय? तू माझ लग्न का करून देत नाही, असे म्हणत तो आपल्या आजीला मरेपर्यंत मारत राहिला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com