गुणरत्न सदावर्ते यांचा शरद पवारांवर घणाघात

गुणरत्न सदावर्ते यांनी राष्ट्रपती निवडणुकीच्या पार्श्वभूमीवर राष्ट्रवादीचे सर्वेसर्वा शरद पवार यांच्यावर टीका केली. ते म्हणाले, "राष्ट्रपती पदासाठी विशिष्ट राजकीय उंची लागते. राष्ट्रपती पदावर उंची गाठलेली माणसं होती. शरद पवार यांच्याबद्दल काय बोलणार, ते वयोवृद्ध आहेत. त्यांनीच सांगावं त्यांच्याकडे कुठली उंची आहे?", असे सदावर्ते म्हणाले. (Gunratna Sadavarte Criticizes Sharad Pawar)

“राष्ट्रवादीचे वयोवृद्ध पुढारी शरद पवार यांच्या मार्गदर्शनाखालील राज्य सरकार अन्यायी आहे. राज्यात महिला, कष्टक-यांवर अत्याचार होत आहे. या सरकारला मत का देऊ नये, हे पटवून देण्यासाठी जास्तीत जास्त लोकांमध्ये जनजागरण करणार आहे,” सदावर्ते यांनी पवारांवर घणाघात केला.

सदावर्ते पुढे म्हणाले, "भारताच्या संविधानात मोठी ताकद आहे. कष्टक-यांसाठी न्यायालयात लढणे मला जास्त उपयोगी वाटते. राजकारणाला अस्पृश्य मानत नाही."