Hindu Jan Aakrosh Morcha: मुंबईत शिवाजी पार्क येथे हिंदू जन आक्रोश मोर्चा काढण्यात आला आहे. भाजपने सकल हिंदू जनआक्रोश मोर्चाला सुरुवात केली आहे. काही दिवसांपूर्वी पुण्यात हिंदू जन आक्रोश मोर्चा काढला होता.
आता याच पार्श्वभूमीवर मुंबईत( Mumbai) हिंदू जन आक्रोश मोर्चा काढण्यात आला आहे. लव्ह जिहाद आणि धर्मातराविरोधी कायदा राज्यासह देशात लागू करावा या मागणीसाठी भाजपने हा मोर्चा काढला आहे.
भाजपसह शिंदे गटाचे नेतेदेखील या मोर्चामध्ये सहभागी झाल्याचे दिसून येत आहे.आता हा मोर्चा कामगार मैदानावर दाखल झाला असून मोठ्या प्रमाणात लोक सहभागी झाल्याचे दिसून येत आहे. यापूर्वी उत्तर प्रदेशमध्ये लव्ह जिहाद कायदा करण्यात आला आहे.
या कायद्यातंर्गत कडक शिक्षेची तरतूद करण्यात आली आहे. याबरोबरच मुंबईत लिंगायत समाजानेदेखील आपल्या मागण्या पूर्ण करण्यासाठी महामोर्चाचे आयोजन केले आहे. दरम्यान, सुप्रिया सुळेंनी( Supriya Sule) या मोर्चावर प्रतिक्रिया देताना आपल्याला लव्ह आणि जिहादचा अर्थ कळतो मात्र लव्ह जिहादचा अर्थ कळत नसल्याचे म्हटले आहे. येणाऱ्या काळात होणाऱ्या निवडणुकींच्या पार्श्वभूमीवर मोर्चाला महत्व प्राप्त झाले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
