Kolhapur: कोल्हापूरमध्ये पाण्यासाठी महिलांनी रास्तारोखो आंदोलन सुरु केले आहे. हॉकी स्टेडियम परिसरात महिला आक्रमक झाल्याचे दिसून आले आहे. पाण्यासाठी नागरिकांचे हाल होत आहे.
प्रशासनाने याबाबत योग्य त्या उपाययोजना कराव्यात ,अशी मागणी येथील नागरिकांची आहे. आपल्या मागणी प्रशासनापर्यंत पोहोचवण्यसाठी महिलांनी आक्रमक पवित्रा धारण केला आहे. महिलांनी हॉकी( Hockey ) स्टेडियम परिसरात पाण्याच्या भांड्यासह रस्त्यावर येत आपल्या मागण्या मांडल्या आहेत.
प्रशासनाने पाण्याची व्यवस्था करावी अशी मागणी या महिलांनी केली आहे. गेल्या अनेक दिवसांपासून हॉकी स्टेडियम परिसरात पाण्याची समस्या निर्माण झाल्याचे दिसून येत आहे. कोल्हापूरात काही तांत्रिक अडचणीमुळे एक दिवस आड पाणीपुरवठा सुरु आहे. मात्र गेल्या पंधरा ते वीस दिवसांपासून या हॉकी स्टेडिय़म परिसरात पाणीपुरवठा बंद झाल्याने या परिसरातील नागरिक आक्रमक झाल्याचे दिसून येत आहे.
दरम्यान, अधिकाऱ्यांना पाणी( Water )पुरवठ्याबाबत विचारले असता कोणताही प्रतिसाद मिळाला नसल्याने आता महिलांनी थेट रस्त्यावर उतरत आपल्या मागण्या मांडल्या आहेत. जोपर्यत आयुक्त याठिकाणी येत नाहीत तोपर्यत आम्ही येथून हलणार नाही. त्याचबरोबर, आजच्या आज आपल्याला पाणीपुरवठा झाला पाहिजे असे महिलांनी म्हटले आहे. कोल्हापुरा( Kolhapur )तील पाण्याचा हा प्रश्न लवकरात लवकर सुटणे महत्वाचे आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
