कोरोना नियमात शिथिलता आणा अन्यथा.. ठाकरे सरकारला इशारा

आरटीपीसीआर चाचणी अहवाल किंवा कोरोना लसीचे दोन डोस घेतल्याचे प्रमाणपत्र बाळगण्याच्या अटीबद्दल कोकण प्रवासी संघाने विरोध दर्शविला आहे.
कोरोना नियमात शिथिलता आणा अन्यथा.. ठाकरे सरकारला इशारा
Konkan RailwayDainik Gomantak

कोकणात (Konkan) गणेशत्सव साजरा करण्यासाठी जाणाऱ्या चाकरमान्यांच्या मार्गामध्ये राज्य ससरकारने कोरोना (Covid 19) नियमांच्या अटी आणि नियमांचे विघ्न आणल्याने गणेशभक्तांकडून संताप व्यक्त करण्यात येत आहे. यावर कोकण रेल्वे प्रवासी संघाने सरकारच्या नियमांचा निषेध केला आहे. आरटीपीसीआर चाचणी अहवाल किंवा कोरोना लसीचे दोन डोस घेतल्याचे प्रमाणपत्र बाळगण्याच्या अटीबद्दल कोकण प्रवासी संघाने विरोध दर्शविला आहे. येत्या 5 सप्टेंबरपर्यंत राज्य सरकारने (State Government) गणेशभक्तांना कोरोना नियमात मुभा न दिल्यास 6 सप्टेंबरला रेल्वे रोको आंदोलन करण्याचा इशारा कोकण रेल्वे प्रवासी संघाने यावेळी दिला आहे.

Konkan Railway
Konkan Railway: मुसळधार पावसामुळे कोकण रेल्वेचे वेळापत्रक पुन्हा बिघडले

कोकण रेल्वे प्रवासी संघाचा विरोध?

कोकणामध्ये गणेशत्सव साजरा करणे हा चाकरमान्यांसाठी विशेष पर्वणीचा सोहळा असतो. या पाश्वभूमीवर यंदा कोकणामध्ये जाण्यासाठी गणेशभक्त सज्ज झाले आहेत. मागील वर्षापासून कोरोनामुळे कोकणवासीयांना घरी जाता आलेले नाही. आता मात्र कोरोनाचा संसर्ग काहीसा ओसरु लागल्याने अनेकांनी तीन महिने आगोदरच रेल्वेचे आरक्षण केले होते. त्यामुळे यंदा कोकणामध्ये गणेशत्सव साजरा करण्यासाठी जाणाऱ्या चाकरमान्यांना जाता येणार आहे. पंरतु पुन्हा महाराष्ट्रात कोरोनाचा संसर्ग वाढू लागल्याने ठाकरे सरकारने 23 ऑगस्ट रोजी नवीन अटी आणि नियम लागू केले आहेत. आणि त्याच कोरोना नियमांना कोकण प्रवासी संघाने विरोध दर्शवला आहे.

Konkan Railway
Konkan Railway: NMP अंतर्गत आता कोकण रेल्वेचेही खाजगीकरण ?

राज्य सरकारने नव्या नियमांमध्ये काय म्हटलंय?

कोकणात जाणाऱ्या प्रवाशांना नव्या नियमांनुसार आरटीपीसीआर चाचणी प्रमाणपत्र त्याचबरोबर कोरोना लसीचे दोन डोस घेतले असल्याचे प्रमाणपत्र सादर करणे आवश्यक आहे. त्यामुळे आता गणेशत्सव साजरा करण्यासाठी कोकणात जाणाऱ्या चाकरमान्यांचा हिरमुड झाला आहे. दरम्यान चाकरमान्यांच्या मार्गातील अडथळे त्वरित दूर करण्यात यावेत यासाठी कोकण रेल्वे प्रवासी सेवा संघाने राज्य सरकारला निर्वाणीचा इशारा दिला आहे. त्याचबरोबर येत्या 5 सप्टेंबरपर्यंत राज्य सरकारने कोरोनाच्या नियमांमध्ये शिथिलता न आणल्यास रेल्वे रोको आंदोलन करण्याचा इशारा दिला आहे.

Related Stories

No stories found.
Dainik Gomantak
www.dainikgomantak.com