Maharashtra TET
Dainik Gomantak
महाराष्ट्र शिक्षक पात्रता परीक्षा 2021 (Maharashtra TET) मध्ये छेडछाड केल्याप्रकरणी पोलिसांनी महाराष्ट्र राज्य परीक्षा परिषदेच्या (MSCE) आयुक्तांना अटक केली आहे. 17 डिसेंबर 2021 रोजी, MSCE आयुक्त तुकाराम सुपे (Tukaram Supe) यांना अटक करण्यात आली आहे. शहर पोलीस आयुक्त (Commissioner of Police) अमिताभ गुप्ता यांनी याबाबत माहिती दिली आहे.
पोलिस आयुक्त अमिताभ गुप्ता यांनी सांगितले की, MSCE चे आयुक्त तुकाराम सापे यांना पुणे पोलिसांच्या सायबर सेलने महा TET परीक्षेत हेराफेरी केल्याच्या आरोपावरून चौकशीसाठी अटक केली आहे.
महाराष्ट्र गृहनिर्माण आणि क्षेत्र विकास प्राधिकरण (MHADA) भरती परीक्षेचा पेपर फुटल्याप्रकरणी तपास सुरू असताना महाराष्ट्र शिक्षक पात्रता परीक्षेतील तफावतीची बाब समोर आली होती, असे पोलिसांनी सांगितले. म्हाडा भरती परीक्षा 2021 पेपर लीक प्रकरणी पोलिसांनी आतापर्यंत 6 जणांना अटक केली आहे.
महाराष्ट्र शिक्षक पात्रता परीक्षा (महा TET 2021) 21 नोव्हेंबर 2021 रोजी दोन शिफ्टमध्ये घेण्यात आली. अहवालानुसार, या परीक्षेसाठी 10 लाखांहून अधिक उमेदवारांनी नोंदणी केली होती. यापूर्वी ही परीक्षा ऑक्टोबर 2021 मध्ये होणार होती, परंतु राज्यातील पोटनिवडणुकांमुळे ती पुढे ढकलण्यात आली होती.
महाराष्ट्र TET Answer Key 2021 (अंतरिम) परिषदेने अधिकृत वेबसाइटवर प्रसिद्ध केली आहे. या उत्तरपत्रिकेवर आक्षेप घेण्यासाठी उमेदवारांना 8 डिसेंबर 2021 पर्यंत वेळ देण्यात आला होता. आता परीक्षेला बसलेले लाखो उमेदवार महाराष्ट्र TET परीक्षेच्या निकालाची वाट पाहत आहेत.
महाराष्ट्र TET परीक्षा 2021 साठी 03 ऑगस्ट 2021 ते 07 सप्टेंबर 2021 या कालावधीत ऑनलाईन अर्ज घेण्यात आले. ही परीक्षा एकूण 150 गुणांची होती. महाराष्ट्र TET उत्तीर्ण होण्यासाठी, सामान्य श्रेणीतील उमेदवारांना किमान 90 गुण म्हणजे 60 टक्के गुण मिळणे आवश्यक आहे. OBC आणि SC, ST श्रेणीसाठी पात्रता गुण 55 टक्के (82.5 गुण) आहेत. अंतिम उत्तर की (महा टीईटी अंतिम उत्तर की 2021) नंतर निकाल घोषित केले जातील. कोणत्याही माहितीसाठी अधिकृत वेबसाइटला भेट देत रहा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
