Maharashtra: राज्यात पुन्हा Lockdown? 'या' दोन जिल्ह्यांना चिंता

राज्य सरकार तज्ज्ञांच्या केंद्रीय पथकाच्या (Central team of experts) अहवालाची प्रतीक्षा करीत असल्याची माहिती मिळाली आहे.
Maharashtra: राज्यात पुन्हा Lockdown? 'या' दोन जिल्ह्यांना चिंता
LockdownDainik Gomantak

नवी दिल्ली: महाराष्ट्रात सध्या कोरोना विषाणुच्या संसर्गामुळे (Covid-19) निर्णाण झालेली परिस्थिती पाहता, मुख्यमंत्री उद्धव ठाकरे (Uddhav Thackeray) यांच्या नेतृत्वाखालील महाराष्ट्र सरकारने कोविडग्रस्त कोल्हापूर आणि सांगली जिल्ह्यात पुर्ण लॉकडाउन लावण्याचा विचार करत असल्याचे समजते आहे. (Maharashtra under lockdown? Alert for these 'two' districts)

मिळालेल्या माहितीनुसार राज्य सरकार तज्ज्ञांच्या केंद्रीय पथकाच्या अहवालाची प्रतीक्षा करीत आहे, तर सद्यस्थितीचा आढावा घेण्यासाठी दोन जिल्ह्यांचा दौरा देखील करण्यात आला असल्याचे समजते आहे. या दोन्ही जिल्ह्यातील परिस्थिती पाहता केंद्रीय पथकाने पुर्ण लॉकडाऊन लागु करण्याची शिफारस केली असल्याचे देखील समजते आहे.

राज्याचे आरोग्यमंत्री राजेश टोपे या विषयावर बोलताना म्हणाले की, राज्यातील इतर जिल्ह्यांपेक्षा या दोन जिल्ह्यांतील परिस्थिती चिंताजनक आहे.

Lockdown
"माझ्या महाराष्ट्राला आरोग्य संपन्नता लाभू दे" उद्धव ठाकरेंचं विठुरायाकडे साकडं

दरम्यान, केंद्रीय पथकाने या जिल्ह्यांचा दौरा केल्यानंतर टेस्टींग, कॉन्टॅक्ट ट्रेसींग आणि लसीकरणावर भर देण्याचा सल्ला दिला असल्याचे राजेश टोपे यांनी सांगितले आहे. तसेच आम्ही केंद्राला लसींचा पुरवठा वाढवण्याची देखील विनंती केली असल्याचे राजेश टोपे यांनी सांगितले आहे.

सोमवारी महाराष्ट्राच्या कोरोना रुग्णांची संख्या 62,20,207 वर गेली, तर मृतांचा आकडा 1,27,097 वर पोचला आहे. राज्यात सध्या 96,375 रुग्ण उपचार घेत आहेत. विशेष बाब ही आहे की, रुग्णाच्या बरे होण्याचे प्रमाण आता 96.353 वर पोहोचले आहे.

Related Stories

No stories found.
Dainik Gomantak
www.dainikgomantak.com