राष्ट्रवादीला मोठा झटका, राज्यसभा निवडणुकीला अनिल देशमुख अन् नवाब मलिक मुकणार

अनिल देशमुख आणि नवाब मलिक यांची न्यायलयाने याचिका फेटाळली आहे. त्यामुळे आता त्यांना राज्यसभा निवडणुकीत मतदान करता येणार नाही.
राष्ट्रवादीला मोठा झटका, राज्यसभा निवडणुकीला अनिल देशमुख अन् नवाब मलिक मुकणार
Nawab Malik and Anil DeshmukhDainik Gomantak

महाराष्ट्र राज्याचे माजी गृहमंत्री अनिल देशमुख आणि कॅबिनेट मंत्री नवाब मलिक यांची राज्यसभा निवडणुकीत मतदान करण्याची याचिका न्यायालयाने फेटाळून लावली आहे. त्यानंतर अनिल देशमुख यांच्या वकिलांनी लवकरात लवकर न्यायालयाच्या आदेशाची प्रत मागितली आहे जेणेकरुन आपण उच्च न्यायालयात दाद मागू शकू.

दरम्यान, राज्यसभा निवडणुकीपूर्वी हा महत्वाचा निर्णय आला आहे. कारण या निवडणुकीत प्रत्येक मत मोजले जाते. महाराष्ट्र सरकारमधील मंत्री नवाब मलिक (Nawab Malik) यांना केंद्रीय अंमलबजावणी संचालनालयाने फेब्रुवारीमध्ये मनी लाँड्रिंग (Money Laundering) प्रकरणात अटक केल्यापासून तुरुंगात असल्याची माहिती आहे.

तसेच, राज्याचे माजी गृहमंत्री अनिल देशमुख (Anil Deshmukh) हे मनी लाँड्रिंगच्या आरोपाखाली तुरुंगात आहेत. शुक्रवारी राज्यसभा निवडणुकीत मतदान करण्यासाठी दोघांनीही एक दिवसाच्या जामिनासाठी विशेष न्यायालयात धाव घेतली आहे. नवाब मलिक यांनी न्यायालयाला सांगितले की, आम्ही निवडून आलेले आमदार आहोत. राज्यसभेवर प्रतिनिधी निवडताना आपल्या मतदारसंघातील रहिवाशांचे प्रतिनिधित्व करण्यास बांधील आहोत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com