Maharashtra: बंडखोर आमदार गुवाहाटीत इनडोअर गेम्समध्ये मशगुल

शिवसेनेचे बंडखोर आमदार एकनाथ शिंदे आसाममधील गुवाहाटीत तळ ठोकून आहेत.
Eknath Shinde
Eknath ShindeDainik Gomantak

Maharashtra Political Crisis: शिवसेनेचे बंडखोर आमदार एकनाथ शिंदे आसाममधील गुवाहाटीत तळ ठोकून आहेत. 40 हून अधिक आमदारांचा आपल्याला पाठिंबा असल्याचा शिंदेंनी दावा केला आहे. महाराष्ट्रातील हे सर्व बंडखोर आमदार गुवाहाटीमधील हॉटेल रॅडिसन ब्लूमध्ये मुक्कामी आहेत. (Maharashtra Political Crisis Rebel Mlas Luxurious Hotel Guwahati Do These Things To Keep Themselves Busy)

दरम्यान, शिंदे आणि शिवसेना यांच्यात सुरु झालेल्या राजकीय युद्धाला आठवडा होत आला आहे. दोघांमधील हा लढा सर्वोच्च न्यायालयापर्यंत पोहोचला आहे. तर दुसरीकडे, हा लढा दिवसेंदिवस वाढतच चालला आहे. गेल्या आठवडाभरापासून बंडखोर आमदार गुवाहाटीमधील हॉटेलमध्ये कैद आहेत. ते कडेकोट बंदोबस्तात राहत आहेत. हे आमदार हॉटेलमध्ये कसा वेळ घालवतात आणि दिवसभर काय करतात याची तुम्हाला माहिती आहे का?

Eknath Shinde
Maharashtra Political Crisis: गुलाबराव पाटलांचा 'तो' व्हिडीओ ट्वीट करत संजय राऊतांची जहरी टिका

आमदार इनडोअर गेम्स खेळतात

महाराष्ट्रातील बंडखोर आमदार बुद्धिबळ, लुडोसह विविध इनडोअर गेम्स खेळून आपला वेळ घालवत आहेत. आमदारांच्या निकटवर्तीय एका सूत्राने नाव न सांगण्याच्या अटीवर मीडियाला सांगितले की, काही बैठकांव्यतिरिक्त, गुवाहाटीमध्ये ते कोणत्याही प्रकारच्या राजकीय बैठकामध्ये सहभागी होत नाहीत. वेळ घालवण्यासाठी, ते स्वतःला बुद्धिबळ आणि लुडोसह विविध इनडोअर खेळत आहेत.

दुसरीकडे, एकनाथ शिंदे यांच्या नेतृत्वाखालील बंडखोर आमदारांना हॉटेलबाहेर जाण्याची परवानगी नाही. सुरुवातीला सुमारे आठवडाभरासाठी आमदारांनी हॉटेलच्या खोल्या बुक केल्या. आसाममधील भाजपचे (BJP) आमदार, नेते आणि मंत्री अधूनमधून हॉटेलला भेट देतायेत.

Eknath Shinde
Maharashtra Political Crisis: फडणवीस आणि शिंदेंची गुजरातमध्ये गुप्त भेट

उद्धव ठाकरे यांनी ही कारवाई केली

दरम्यान, महाराष्ट्राचे मुख्यमंत्री उद्धव ठाकरे (Chief Minister Uddhav Thackeray) यांनी सोमवारी गुवाहाटीस्थित नऊ बंडखोर मंत्र्यांची खाती काढून घेतली. तर दुसरीकडे, बंडखोर आमदारांनी सर्वोच्च न्यायालयात याचिका दाखल केल्याने उपसभापतींनी त्यांच्याविरुद्ध सुरु केलेल्या अपात्रतेच्या कारवाईला 11 जुलैपर्यंत स्थगिती दिली.

Eknath Shinde
Maharashtra Political Crisis: ''...पंढरपूच्या पूजेला मुख्यमंत्री म्हणून देवेंद्रजी येऊ दे"

शिवाय, शिवसेनेचे ज्येष्ठ नेते एकनाथ शिंदे (Eknath Shinde) यांनी मुख्यमंत्री उध्दव ठाकरे यांच्या नेतृत्वाखालील महाविकास आघाडी (एमव्हीए) सरकारविरोधात बंड पुकारुन एक आठवडा झाला आहे. 40 हून अधिक आमदारांचा पाठिंबा असल्याचा दावा त्यांनी केला आहे. दोन्ही गट त्यांच्या भूमिकेवर ठाम असून दीर्घ लढाईसाठी तयार असल्याचे सांगितले जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com