Maharashtra Politics: सत्तासंघर्षाचा तिढा आज सूटणार, सर्वोच्च न्यायालयाच्या कामकाजाचे होणार थेट प्रक्षेपण

Supreme Court live Streaming: देशाच्या दृष्टीने हे महत्वपूर्ण पाऊल असून जनतेला आता घरबसल्या सर्वोच्च न्यायालयाच्या कामकाजाचे थेट प्रक्षेपण पाहता येणार आहे.
Maharashtra Politics
Maharashtra PoliticsDainik Gomantak

गेल्या तीन महिन्यांपासून सुरू असलेल्या महाराष्ट्रातील राजकीय सत्तासंघर्षाचा (Maharashtra Politics) तिढा सूडणार आहे. सर्वोच्च न्यायालयात आज मंगळवारी महत्त्वपूर्ण सुनावणीला सुरुवात होणार आहे. या सुनावणीचे लाइव्ह स्ट्रिमिंग पाहता येणार आहे. देशाच्या दृष्टीने हा महत्वाचा निर्णय असून नागरिकांना आता घरबसल्या सुनावणी पाहता येणार आहे. हे लाइव्ह स्ट्रिमिंग १०:30 ला सुरू होणार आहे.

न्यायमूर्ती धनंजय चंद्रचूड यांच्या घटनापीठासमोर आज महत्त्वाची सुनावणी आहे. शिवसेना पक्षावर शिंदे गट आणि ठाकरे गटाकडून जो निवडणूक आयोगात दावा करण्यात आला आहे, त्याबाबत आज सुनावणी होणार आहे. आज सर्वोच्च न्यायालयात (Supreme Court) आर्थिकदृष्ट्या मागास आरक्षण, महाराष्ट्राचा सत्तासंघर्ष तसेच दिल्ली विरुद्ध केंद्र सरकार यांच्यातील सुनावण्यांचा समावेश आहे. आज संपुर्ण महाराष्ट्राचे या निर्णयाकडे लक्ष लागले आहे.

न्यायमूर्ती धनंजय चंद्रचूड यांच्या घटनापीठासमोर आज महत्त्वाची सुनावणी आहे. शिवसेना पक्षावर शिंदे गट आणि ठाकरे गटाकडून जो निवडणूक आयोगात दावा करण्यात आला आहे त्याबाबत आयोगाचं कामकाज चालू राहणार की नाही हे कोर्टात ठरेल.

Maharashtra Politics
PFI Viral Video: पुण्यातील पाकिस्तान जिंदाबाद घोषणेचा व्हिडिओ फेक, Alt News चा दावा

महाराष्ट्रातील सत्तासंघर्षाची सुनावणी ही न्यायमूर्ती धनंजय चंद्रचूड यांच्या अध्यक्षतेखाली पाच न्यायमूर्तींच्या घटनापीठासमोर होणार आहे. त्यामुळे आजच्या सुनावणीमध्ये सर्वोच्च न्यायालय महाराष्ट्रातील सत्तासंघर्षावर मोठा निर्णय देण्याची शक्यता आहे. या सुनावणीच्या यादीमध्ये महाराष्ट्रातील प्रकरण दुसऱ्या क्रमाकांवर आहे. 7 सप्टेंबर रोजी झालेल्या सुनावणीत सुप्रीम कोर्टाने पुढील सुनावणीपर्यंत निवडणूक आयोगाने कोणताही निर्णय घेऊ नये असे निर्देश दिले होते.

सर्वोच्च न्यायालयात सुरू असलेल्या कामकाजाची माहिती सर्वसामान्य नागरिकांना असायला हवी, याबाबत 2018 साली सर्वोच्च न्यायालयात एक याचिका दाखल करण्यात आली होती. या याचिकाकर्त्यांमध्ये ज्येष्ठ वकील इंदिरा जयसिंग यांचाही समावेश होता. यानंतर मार्च 2018 मध्ये न्यायालयाने भारताचे अॅटर्नी जनरल के के वेणुगोपाल यांना पत्र लिहून संबंधित याचिकेवर त्यांचे मत मागवले होते. यावर चाचणी म्हणून घटनापीठांसमोरील सुनावणीचे थेट प्रक्षेपण करण्याची शिफारस वेणुगोपाल यांनी केली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com